Mariem_30084 sur Sekritoo — Questions ❓

Questions ❓

أكبر عقاب ممكن تعاقبو لشخص ما قدرش قيمة وجودك في حياتو كصديق أو حبيب.. هوا انك تمشي و تخليه و تنسحب... احرمو من نعمة وجودك ومن نعمة الحب والاهتمام الي كان عايشهم و خلي ضميرك مرتاح مش على خاطر الدنيا ما فيهاش غيرك..لا الدنيا فيها برشا ناس أحسن و أشطر و أوفى أما مش يكونو أصدق منك..احرموا من الضحكة اللي كان يضحكها معاك.. احرمو من وقفتك جنبو وقت الشدة.. احرمو من رجولتك معاه و إخلاصك رغم ضعف المقابل..احرمو من الكتف اللي كان يتكى عليه وقت ضعفو..احرمو من احساس الراحة اللي كان يحسو كي يحكي معاك..خليه يعرف ناس أخرى و خليه يفرح بالبدايات معاهم..خاطر البدايات ديما باهية..كل ما يعرف ناس اكثر في حياتو و يتعمق معاهم كل ما يعرف قيمتك أكثر..خليه يتفرج على صحاب المصلحة.. امشي و خليلو ذكريات و هي كفيلة بش تبينلو قيمتك..و مع الأيام يعرف انو خسر حاجة غالية برشااا.. مش على شرط انو يجي يقلك راني متوحشك و غيابك ضرني في حياتي.. لا اما يكفي انك تخليلو احساس بينو و بين روحو انو خسر حاجة كبيرة ف حياتوا مش بالساهل تتعوض..خلّي عقابك للي يخسرك حرمانو من متعة وجودك جنبو..و ربي ما يخيبكش خاطر وحدو يعلم شنية اللي كان مخبي على خاطرهم..❤

Posté par Mariem_30084 le 2023-04-20