Ghada_29655 sur Sekritoo — Questions ❓

Questions ❓

راجلي ما نتفاهمش معاه، ما عندناش نفس التفكير ما عندناش نفس الراي، ديمة عكس بعضنا، ديمة عرك و كلام يجرح، ما فماش كلمة في قاموس الاهانات ما قلناهاش لبعضنا، بيناتنا زوز صغار، أصل نتناقشو على أبسط كلام يتقال، وصلنا هو يتبونت عليا ما يحليش باب الدار و أنا نتبونت نخبيلو مفتاح كرهبتو و نقول مريتش، لعيشة ولات لا تطاق، في نفس الوقت قاعدين نعيشو لا علاقة ببعضنا، و عادي جدا، أني نقول صابرة خاطر الصغار و هوا كيف كيف، شنوا الحل، راني نقصت و طيحت من روحي نلقاه يزيد يفرعن، أمو ما تطيقنيش، تتمناه يطلقني و تاخذلو مرا أخرى، أني قتلو مش مرة مش ألف برا طلق، يقلي كان مش الصغار ما تزيدش معايا دقيقة.. ما فماش طبة نجمو نحكيو معاهم باش العلاقة تتحسن؟ راني كل يوم يقلي كلام و وليت نسكت نسمع القنابل الي هابطة على راسي متع الكره و نسكت، نحسو يكرهني كره أعمى

Posté par Ghada_29655 le 2023-06-20