Rami_17442 sur Sekritoo — Questions ❓

Questions ❓

عيدكم مبارك.
بعد رحلة سنوات وتعب متاع خدمة و بني قررت بش نلم سويقاتي ونعرس خطبت بنية متربية و تخدم في التعليم قررنا العرس في اخر اوت هذا ..المهم كل شي ماشي نرمال لين مشيت نحجز في وتيل نحبو نعملو أيامات في وتيل في حرية المهم حجت وحبيت نعمل قعدة في بار الوتيل وبعد نروح ..طحت بڨاورية فرخة شبابة ومزيانة زين الروسيات حكينا شوية بالانجليزية وقعدنا مع بعضنا نشربو ومن غادي تقلب كل شي ولينا ما نتفارقوش وقررنا نكريو دار في الكاب بون على البحر وضعت وراها المهم هي توا عارضة عليا نسافر معاها وناخوها على فكرة ما حكيتلهاش على حكاية عرسي وقاعدة تعمل في المستحيل بش نسافرو اخر جويلية وبنت الناس لي خاطبها تحضر في روحها وتليفونات تخبط وأنا ما نحبش نهز والڨاورية تقلي يطلبوك برشا نقلها خدمة ...الي يحط روحو في بقعتي ويعطيني حل في وضعيتي يرحم والديه..خاطر أنا حرت والوقت يجري

Posté par Rami_17442 le 2023-06-28