Hatem_92681 sur Sekritoo — Questions ❓

Questions ❓

جيتكم بحكاية من تونس الخضراء الي بصراحة ما قعد فيها شي اخضر ....مرا مات راجلها بكورونا ما تخدمش وعندها 3 صغيرات كبيرهم عمرو 8 سنين وقفولها دارهم وبقاو يعاونو فيها وقايمين بصغيراتها راجلها كيف توفى خلالها دار لكن في الاوراق باسم بوه خاطر التركة ما تقسمتش المهم جاء سي خو راجلها وعرض عليها يا تعرس بيه يا تخلي الدار وتخرج تكري المرا شافت حكاية العرس بعد راجلها وخاصة بخوه حكاية ما تنجمش لا تعملها لا تخمم فيها المهم ولات خرجت ومشات لدار بوها وكلفو دارهم محامي بش يطالب بحق بنتهم وصغارها في التركة إلى حد هوني كل شي معقول ..المهم سي خو راجلها يستنبط فكرة ويسلط عليها كلوشار يغتصبها ويصورها ماشي في بالو بش يبتزها بالتصاور المرا طلعت قلبها صحيح وشكات ودخلت القضية للمحاكم وتوا 4 سنوات وما ثمة شي كان التأجيل ولا ايقافات ولا والو لين المرا تمرض بأعصابها وتولي معاقة ذهنيا ولي يزيد يقهر يوليو عمومات صغارها طالبين التقدم على صغار خوهم ...وما كذبش لي قال سي علاء أنا وين.؟؟

Posté par Hatem_92681 le 2023-06-30