Chiheb_87518 sur Sekritoo — Questions ❓

Questions ❓

ادمين ستاتي خارجة مضمون الڨرووب أما اقبلها يسترك ❤️🙏
كنت نترانا و نقرى و مسطر حياتي و نشوف في الدنيا زينة و محلاها فما نهار في 2019 تعرفت على طفلة في اختبار كتابي في الحرس الوطني تعلقت باها و مانطولش عليكم وليت نحبها برشا ..عدينا ايامات فاوحين ضحكتها و فرحتها و دللتها كيما البيبي بويسك اول مرة نصوحب ❤️😇
بين ليلة و ضحاها مرضت بالسرطان عفانا و عفاكم الله وريوسكم يا رجال قلتلها هيا قبل ما نحكي لأمي ..تصدمت و دخلت بعضها و ما عرفتش شتحكي و ولات تبكي و عنقتني قتلي والله لا نخليك يا غالي و كيما عشنا الفرحة معا بعضنا و قسمناها تو شنقسمو المرض و الحزن و مهما تكحال الدنيا انا معاك ...مالفرحة عينيا زغلت و قلت حمد الله حبتني بقلب و رب و قلت هاذي الي شنتركز علاها و شتسيبورتيني بعد أمي بالطبيعة
برى يا زمان و ايجا يا زمان بديت نعمل في الشيميو كيما تعرفو المعاناة و التعب و بديت نهزل و نطيح و وجهي ولا شاحب... فما نهار طلبتها قلتلها هيا نتقابلو و نكذبش عليكم حبيت نفضفض و نحكي بالك نتفرهد شوي حتى côté مورال قتلي اسمعني كنا جونا باهي و محلانا و ملي مرضت راك نغصتلي حياتي ...شنقعد نهار كامل نحارب معاك و نكوراجي فيك !! يزي صايا فاض الكأس ..فديت قتلي و تعبت اكثر منك انا قلتلها ربي يهديك راو ابتلاء من عند ربي ياخي انا مرضت رووحي!! قلتلها شبيك ماكش قد الكلام الي تقول فييه ..؟؟ تي ٱبٱر الحب حتى امور إنسانية لازمك تاقف معايا ..قتلي ربي ابتلاك انت مش ابتلانا الزوز .. قتلي كهو معادش نجمو نقعدو مع بعضنا خليني نعيش حياتي و شعلت فيا قتلي 5 شهوور و انا نخمم كان في الموت وليت سيبني مازلت صغيرة راني شومتهملي الأيامات هاذم و كرهتني في رووحي وعملتلي بوبلي ما نحكيلكمش و علقت عليا التال و ليومنا هاذا ما قابلتهاش 😊
اقسم بالله دموعي قريب تشيح مش مالمرض خاطر المرض اقتنعت بيه صحيح تعبني و نوم الليل ما نرقدوش اما ماتعبنيش قد القهر هااذا ؟؟ ياخي لهالدرجة قسات قلووب العباد 💔💔
حسبي الله و نعم الوكيل
حبيت نحكي حكايتي بفو بروفيل خاطر محكيتها لحد و بربي لا عاد تتصدمو من شيء ❤️❤️

Posté par Chiheb_87518 le 2023-07-02