Jihene_18795 sur Sekritoo — Questions ❓

Questions ❓

عسلامة الناس لكل. عندي مدة ماحليتش الابليكاسيون. بربي عندي سؤال ماذابيا تنصحوني بصدق. انا متغربة نخدم و ربي يعلم التعب اللي تاعبتو شيء مايجي بالساهل الواحد ما يوصل يلم حق حاجة كان مايكون تعذب عليها. المهم انا شريت ارض و توة الحقيقة عاملة برنامج باش نشري ستديو و قررت الستة نبدأ نلملو الفلوس. اخر حاجة نخمم فيها المرأه والمظاهر. المهم عندي عامين ماروحتش لتونس والشعر الجاي مروحة شريت ذهب لأمي واختي و كادوات محترمين. الإشكال في بابا اللي فلوسو كلها يشرب بيها كل يوم و عندو زوز ديار وباملاكو اما يشرب و يصرف في فلوسو على النساء وامي مايصرفش عليها حتى العملية متاعها و دواياتها متكفلين بيها انا و خواتي. المشكل توة كي روحت قبل بعامين تصوروا انتم انا مروحة مثقلة بكادوات والله صارفة الملايين و هو طردني مالدار و مافرحش بيا على خاطر يحبني نشريلو كرهبة. توة مروحة زادة بعد عامين غربة خايفة لا يزيد يعاملني نفس المعاملة خاطر يحبني نشريلو كرهبة. انا من قبل مانحبوش خاطر عذبنا و عذب امي اما انا نخاف ربي برشا و نقول نعاملو بما يرضي الله. الحق انا مازلت شباب و والله لا تمتعت ولا شفت الدنيا شيء حتى برمي ماعنديش اما تالمون كان يطرد فينا من الدار مللي احنا صغار و تالمون امي عذبها لين كبرت وانا ماعنديش ثقة فيه هذاكا علاش نحب نعمل أربعة حيوط يسترنا و الأهم نخمم على امي باش ما يزيدش يمرمدها في كبرها مسكينة. قولولي شنعمل يرحم والديكم راهو والله مالقيت معاه حل هو مايصرفش عليا جملا في قريتي امي قراتني و وصلتني هو مايصرفش شي يصرف على نزواته و توة. نهار كامل يعيط و يقول انا صرفت عليهم وهي ماتحبش تشريلي كرهبة. صدقوني نحس مرارة كبيرة الداخل خاطر متوحشة امي وفي نفس الوقت خايفة لا ينكد عليا العطلة و يمررهالي.

Posté par Jihene_18795 le 2023-07-13