Jihene_18139 sur Sekritoo — Confessions 🤫

Confessions 🤫

انا دخلت شفت حاجة مكارنيش شفتها ..
دخلت ل اكونت امي ياخي نلقا بابا في ميسجات معها يطعن فيها في شرفها و اللي هيا خانتو و يهدد فيها انو يجي يحكيلنا و يقلها كل مرة يطعن فيها مع شخص و ربي يشهد انو امي يضربو بيها المثل هنا في اخلاقها و حسن سيرتها و حسن ربايتها كبير و صغير .. و المشكل اللي هما قدامنا يتصرفو عادي .. على فكرة اللي عملتو امي معاه ما تعملو حتى مرا كان ميصرفش علينا ولا علاقة بينا و ديما موترنا امي تلاهات بينا قراتنا و كبرتنا و صبرت عليه يوصل مرات يخلينا منغير عيد في العيد الكبير و هوا يقدر يشري .. يوصل يخبي الماكلة و الشراب علينا و يحاول يقطعنا من الناس و يحسسنا انو الناس كلها احسن مناا والف حاجة و حاجة غيرها و امي في هاذا الكل مازالت صابرة عليه..انا تعبت نفسنيا حاسة نفسي في صراع .. قلولي كيفاه انجم نتصرف في حالة هكا خصوصا اني نحس امي مش عادية و تعاني من داخل و انا دقة الشوكة ما نحملش فيها …💔

Posté par Jihene_18139 le 2023-07-15