Karim_48790 sur Sekritoo — Questions ❓

Questions ❓

اهلا بيكم
انا مشكلتي اكبر ملي يتخيلها عقل البشر ..
انا انسان كنت نتكيف ياسر زطلة ونشرب نسكر لين نولي نتطايح ونعمل مشاكل ومرضت وتعالجت بلاش طبيب ...
اما ما وصلتش نخمم اني يصيرلي الشيء هذا ؟؟
نهار روحت للدار كي العادة في الليل بعد ما عملت قهوة بعد الخدمة حليت الكونجيلاتور نهار صيف قلت نلقاش ماء بارد ولا قازوز ولا اي موضوع .. ولقيت في وجهي ساق عبد هههههه ممكن جنون الحكاية اكثر من الجنون اما المشكلة عندي مدة كبيرة نخمم فيه الموضوع نقول يا لندرى انا عملتها ولا بابا ولا شكون شيوصل يقتل عبد ويحط ساقو في الكونجيلاتور بالفعل جنون هههه والحاجة لي مشككتني انو انا عملتها اني وقت مرضت فقدت الوعي متاعي جزئيا ومن الحاجات يلي نتذكرهم اني تجيني هلوسات يطلعلي بابا ويبدا يعيط يقلي تاكل في العباد ؟ تاكل في العباد ؟ والمشكلة يطلع من كل بلاصة وهلوسات غريبة .. الشيء الأغرب اني ما نتذكرش اني قتلت عبد وكليتو ...
هل ممكن تكون كل هذه هلوسات ؟
على خاطر متأكد باليقين اني لقيتها الساق وعاودت سكرت باب الثلاجة ورقدت وباعد ممكن طيبنا هرGمة هههههههههه هل ممكن انا سفاح ؟ ولا دارنا الكل سفاحين ؟ برشا شكوك عندي ويا ليت نفهم يلي صار ويصير ههههه

Posté par Karim_48790 le 2023-07-17