Jihene_18795 sur Sekritoo — Questions ❓

Questions ❓

صباح الخير، بربي سامحوني عالصباح على الطاقة السلبية اما الله غالب ماعندي لشكون نحكي. الواحد يعلم بيه ربي متغرب و تاعب قعدت عامين ماروحتش لدارنا نستنى بالدقيقة وقتاش نروح نشوفهم. حتى مايكلمونيش ديما يسألوا عليا نقول ميسالش كل واحد لاهي في امورو. نجري و نخدم و تاعبة و شارية الذهب باش نفرح عائلتي و كادوات بالعزيز والغالي واللي يطلب حاجة نحاول مانرجعوش خاطرني نحب نفرح عائلتي و نروح نشوفهم. والله قلبي وجعني ليلة كاملة مارقدتش ومن كثر الضغط البارح درت على راجلي نشريلو في مشكلة هكاكا من لا شيء.
المهم انا قبل هبطلكم مشكلتي انه بابا تعبنا في حياتنا و شادني مارجني باش نشريلو كرهبة و هو عامل في امي و اخواتي مكرههم في حياتهم، يا سيدي البارح تكلمني اختي الصغير تقولي وقتاش جاية واحنا صابرين على خاطرك و بوك جبد ساطور ولا شنية يحب يقتلنا و يقولونا اخرجو عليا مالدار حاسيلو ركايبي البارح ترعش مالخوف. شي يحشم و يعمل العار خاطر احنا عائلة لكل بما فيهم العائلة الموسعة كلنا محترمين و مثقفين كان هو ربي ابتلانا بيه عظمة حارمة كان العنف والفساد و مستحملينو خاطر نخافوا من ربي. المهم اقسم بالله شدتني غصتي وليت نبكي نبكي قلت ياربي انا ماصدقت نسيت الماضي و صغري اللي عشتو كله عنف و كره و حقد حتى كي كبرت موش مكتوب عليا نرتاح. قتلي اختي البارح احنا سايي لقينا دار و باش نخرجو نكريو وحدنا. انا توة مانيش عارفة اش نعمل اش باش نقول لراجلي كي يقولي هيا نمشيو لداركم نسلم عليهم و نفطرو حذاهم. هاكم تشوفوا كان مشاكل و الغم. والله حرت والله ومانيش عارفة شنعمل. تعبنا في حياتنا تعبنا ناس لكل ماخلاش حد يعيش مرتاح كان الغيرة نهار كامل ماكلتو مايرتاح كان كي يبلبز و يعمل المشاكل و الفضايح. عامين واحد يخدم باش يروح يرتاح و يشوف عايلتو ياخي هاكم تشوفو في العرض. حرت والله حرت اش نعمل مانجمش حتى نلقى كذبة نقولها لراجلي شي يحشم والله.

Posté par Jihene_18795 le 2023-07-24