Hatem_93771 sur Sekritoo — Histoires drôles 😂

Histoires drôles 😂

غيمة مستكحلة غطات السماء ...الدنيا عجاج منغير هواء تجم تتنفسو .....الألوان غامقة طافية و القلوب مغمومة ....و في لحضة السماء بدأت تميل للون المزيان المطر صبطت و الدنيا ضوات برحمة ربي و الدنيا ولات بريحة ما بين اللحضة و اللحضة دقيقة وولا فما هواء ....العينين تغزر و الفم يقول حمد الله .....طالعت الشمس و بعدها ألوان تقول درجيحة .....ليصير في السماء موش بعيد على تحسو ....العام فيه 4 فصول أما الأيام مخلطة .....نتعدو بمشاكل في حياتنا و نتعبو ....يكثر علينا الضغط في مدة معينة و نحسو بخنقة ....القلوب تتعب و ترسم على ؤجوهنا تصويرة ....تغيضنا حاجات كيف تصير و كيف ما تصيرش ....نسكرو على روحنا و نتضلمو ..و في لحظة يجي فرج ربي ....ك نسمة الهواء الراكحة بعد العجاج....الغمة تنحات بعد الصلاة ...تتخلط الأحاسيس مع الفرحة و تعطينا الضحكة بشهقة .. و نتفكر امي.. كيف تقول"من ساعة لساعة فرج ""....

Posté par Hatem_93771 le 2023-07-24