Hatem_93771 sur Sekritoo — Questions ❓

Questions ❓

مطلقة سيب عليك! فك عليك منها راهي مطلقة! ياخي نرمال تخمم تاخو وحده مطلقة؟ شوف..شوف هذيكا لي تمشي ريتها؟ هذيكا مطلقة!
في مجتمع سيطر عليه الجهل وقلة الوعي وعدم معرفة خبايا الغير... وما خلا فيه كان اللهوة بالغير وانعدام الرحمة في القلوب والحقد الكره
في مجتمعنا المرا المطلقة يعني فاشلة والا تستنى شكون يشفق عليها! تشد دارها وتحزن وتسكر فمها وماتتكلمش ومعندهاش الحق تعيش وخسرت حياتها... اللي في مجتمعنا مازلنا نستخايلو النجاح هو عرس وجيب صغير!
في مجتمعنا المرا المطلقة لازم تتحط تحت الساقين وتكون محل شفقة في عينين الناس وتولي منعوتة بالصبع! بل خلينا نقولو محل تخويف ورعب! اسمع يلي تسمع رد بالك مطلقة! سيب اخطاك فك عليك منها راهي طلقت!
في مجتمعنا ماقراوش وماترباوش اللي الطلاق مش بالضرورة مشكل بل في اغلب الاحيان هو الحل المرأة المطلقة ليست بالضرورة إمرأة فاشلة..يمكن أن تكون ضحية لرجل فاشل...
في مجتمعنا مهما كانت الوضعية تبقى المرا المطلقة هي الغالطة وميسالش الراجل يعاود حياته خاطر راجل اما المرا سكر فمك وماعندكش الحق تعاود حياتك! مايعرفوش الي الراجل يغلط ومن حق المرا تقرر مصيرها وتختار انها تدفع الضرر عبر الطلاق!
مايعرفوش اللي مش كان المرا تغلط حتى الراجل يغلط! مايعرفوش الي مش لازم كان المرا تخلص غلاطها وغلاط راجلها! مايعرفوش الي حتى اذا طلقت من حقها تختار الطريق الي يناسبها والي ترا فيه روحها والي تنجم تعيش فيه فرحانة! لذا يلزم تغير كامل في العقلية كلام الناس يبقى كلام ... وكذلك كف الألسن على خلق الله وخليو الخلق للخالق عز وجل

Posté par Hatem_93771 le 2023-07-25