Rami_17926 sur Sekritoo — Questions ❓

Questions ❓

عسلامة ، عمري 26 سنة أنا انسان منحس حتى شي ، اي ريكسيون نعملها راني جيست نعملها بش ميقول حد شبيه محزنش ولا مفرحش ، شلقت بالي أنا نعامل لعباد كأدوات بش نوصل بيهم للي نحب مغير حتى ميشكو فيا و زيد يحبوني مالفوق ، شلقت الي انا ميهمنيش فيهم و ما يهمنيش شنوى يصيرلهم ، حتى كي يتوفا حد عزيز عليا منحس حتى شيء ، مانفرحش كي نوصل نعمل حاجة و لا تصيرلي حاجة باهية على خاتر نحس روحي بش نوصللها توا و لا بعد ، علاقتي ناجحة مع خطيبتي علا خاطر نعرف كيفاه نفهم عبد من اقل تصرفاتو و نعرف نقلب الصحيح مالغالط في دقيقة ، أما منحس تجاها بحتى شي كان شوية عشرة و حتى كان نخليو بعضنا نعرف روحي مش حاجة باش تأثر فيا جملة ، حتى كي تعاركني و توصل تبكي نبدى مش حاسس شي نعمل روحي تأثرت و نعمل رياكسيون و الgeste الي نراهم مناسبين للوقت اذاكا ، منطولش عليكم أما فما حاجة مرات تقلي الي لازمني نعيش كالعباد و الي هكا قاعد نضلم في ناس عطات فيا ثقة مانستحقهاش .

Posté par Rami_17926 le 2023-08-18