Chiheb_3264 sur Sekritoo — Questions ❓

Questions ❓

السلام، أنا راجل عرفت طفلة عندي توا خمسة سنين، ملي عرفتها حبيتها بصفة موش عادية، نحب ديما نفرحها و نشريلها و نهديلها و ندللها، و هي زادة نفس الطريقة، عمرنا ما حسبناها مع بعضنا في الجانب هذا، وقت عرفتها كنت أنا مازلت نقرأ، مشيت لبوها وحدي و عطيتو كلمة اللي أنا نحبها و حاشتي بيها و باش ندخل الباب، و كملت القراية و أول شهرين خدمة لميتهم و مشيت مع العايلة، (أنا كافل عايلتي خاطر الوالد متوفي و انا طفل كهو).. بجلتها هي على كل شي... مشكلتي أني مع الحب الكبير هذا عندي نوع من الغضب اللي قاعد نضر فيها بيه، ساعات ما عادش نعرف روحي و الا ما عادش نعرف نحكي، و ما نفيق كان بعد ما نتعاركو، نوصل حتى نهين و نطيح القدر، و أنا هاكي موش تربيتي و هي ما تستحقش تسمع مني كاك، و الحكاية هذي قاعدة تفشّل في العلاقة لانو تعبتها و تعبتني أنا زادة،.. شنوا نعمل باش نولي نتحكم في الغضب متاعي

Posté par Chiheb_3264 le 2023-08-18