Farah_89566 sur Sekritoo — Questions ❓

Questions ❓

سلام
انا مرا معرسة عندي 7 سنين و عندي صغار راجلي في المجمل باهي يصرف عالدار اللازم و يحب اولادو و يخاف ربي اما المشكل في علاقتي معاه ماهوش سند ليا و منيش حاسة معاه بالامان بالاخص انو في كل مشكل يقلي كل حد على روحو و بعد يتراجع و كيف نتظلم من حد من عايلتو يسكت و ما يدافعش عليا بالرغم يصير الشي قدامو و كيف نمرض ما يحسش بيا يطفيني حتى مشيت لدارنا قعدت ايامات كان كلمتو يكلمني ما كلمتوش يطفيني المودوباس متاع فايسبوكو عندي و هو ما فيبالوش بعثتلو ميساج جاوب الناس الكل كان انا بالرغم بعيدة عليه اكثر مالجمعة في دارنا حتى العلاقة الخاصة تحسها متاع تطيير شهوة كهو حكيت معاه و باسلوبي خليتو يصارحني الي هو ماخذ صدمة خلاتو معادش ياثق في حتى حد و لا يحب حتى حد و الحاجة هذي موش منجم يتحكم فيها والله حايرة شنوة نعمل حياتي معاه هكا تعيسة برشا بالرغم ما ناقصني شي و هذاكة الي زاد أزمني نحس في عمري ضايع و وليت على عصابي لين اثر في تعاملي مع صغاري يفرحكم انصحوني بما انو اغلبكم هنا رجال في حالتي شنوة نعمل فما حل و الا نطلق و كهو

Posté par Farah_89566 le 2023-08-23