Takwa_34270 sur Sekritoo — Questions ❓

Questions ❓

تعرفت على طفل في 2020 انا اكبر منو بستة سنين . حسيت إلى لقيت توام روحي. حبيتو برشا ملول علاقة باهية و بعد شهرين جبد روحو و قلي نحب نعمل recul. مهم تلهيت انا بعد مدة رجع يكلم و يعاود و رجعت نحبو اكثر و رجع جبد روحو مشيتلو للخدمة و تصدمت من ردة فعلو و بعد انفصلنا من وقتها ما قبلتوش من 2021 . يغيب مدة و يرجع يكلمني يقول يسأل عليا. و يرجع يشعلي ناري. اخر مرة عمتلو بلوك. لكن وليت كل لحضة نتذكرو نبكي نحس قطعة من قلبي تتحرق والله نتذكر انا كيفاش كنت صافية معاه و كيفاش هو تمنيك عليا. تغيضني روحي وو ساعات نبدى نضرب في روحي بلكف خاطر خليتو يتلاعب بمشاعري. وليت في شارع نبكي ، في كار نبكي ، في طيارة نبكي نجم نمشي نقضي مالعطار نتذكرو نبكي، نبدى ناكل نبكي . ديما نبكي موش الي انا حبيتو من غير حتى مصلحة و كيفاش هو استغل طيبتي و تلاعب بيا. مشكلة انو علاقتي مع دارنا سطحية. حد مفيبالو و منحكي لحد . مشيت ل 2 psychiatres و 3 coach de vie و عالجت بالطاقة عندي ثلاث سنين و انا نعالج و سافرت و عملتهم الكل . و في الاخر نرجع نقطة الصفر.
ديما تصويرتو قدام عينيا. حافظة كل تفاصيل وجهو . عندي عامين مشفتوش اما كل حاجة فيه في ذاكرتي.
تخطبت لكن كل منشوف خطيبي سابق يجي قدام عينيا صورتو. نشماز كي نشوف خطيبي و نهيت الخطبة.
انا مفهمتش علاش عمل اكاكا.
و توا مشكلة الي بدني والله يعمل في ردات فعل غريبة حتى طبة حارو معايا فقت لقيت يدي اليسار متتحركش عملت سكانر و تحاليل و في الاخر طبيبة قتلي هذا مرض psychosomatique مخك اثرتلك على بدنك و توا وليت ندوخ و قلبي يدق قتلي طبيبة نفساني زادة.
الي عندو حل يقلي بالله.

Posté par Takwa_34270 le 2023-08-25