Dorra_91472 sur Sekritoo — Thé ☕

Thé ☕

اللي نحس فيه ما نجمش نوصفو برشا و الله غاضتني من بابا اللي ماهوش قايم بمسؤولياتو معايا لا يسأل عليا و لا يكلمني و لا يسأل على قرايتي و لا يعنقني و لا يبوسني و لا يبعثلي في فلوس كيما الناس الكل طلبتو مرتين نسأل عليه و قلت نجرب بالكشي يحن معايا شوي كل ما نحكي معاه نقلوا مستحقة فلوس يقلي معنديش و أنا طفلة وحدة معنديش خوات و يخدم و حتى الدار اللي كاري فاها هو و مرتو ماهيش غالية رخيصة علخر في بالاص ديما يسكرها في وجهي و لا عمرو قلي كلمة باهية يكش و ينش حاسة روحي وحدي و الدنيا مسكرة قدامي غاضتني من روحي حسيت كايني عبأ عليه و امي ديما تحاول توفرلي اللي نحب عليه أما معادش خالطة étude و entraînement بالضبط مرة تعاركت أنا وياه و يصيح عليا في التاليفون و قلي مكش متربية لتو لا نسيتها بقات في مخي من وقتها أنا و صاحبتي لأنتيم نفس الحكاية اللي نعيشو فاها تغيضنا برشا كي نراو عباد صحاب مع بوهم و يبداو يحبوا بعضهم و يبدا بوهم لاهي باهم أحنا محرومين من حنان البو و الحاجة هاذي مأثرة فينا من سنين ساعات نقول يا ريتهم لا جابوني للدنيا

Posté par Dorra_91472 le 2021-03-01