Dorra_91472 sur Sekritoo — Coups de gueule 😤

Coups de gueule 😤

قداه توحشتك و الله معادش فيا قاعدة نتعذب ناري تشعل نحس في وجيعة كبيرة ملداخل نحس في النفس يوجع فيا عمري لا كنت نتصورك بش تطلع ساقط للدرجة هاذي تتصورش قداه نحبك كان نلقى نعطيك عينايا و نعطيك حياتي كلها نعرف اللي نتي ما تحبنيش و عمرك لا حبيتني أنا تحرقت بالنسبة ليك عرفتني و عرفت طبيعتي كيفاه شفتني كيفاه نتصرف معاك كايني طفلة صغيرة نبدى فرحانة و إنتي معايا كي نسمع إسمك و نسمع صوتك نبدى بش نڨز ملداخل أما من تصرفاتك و الحاجات اللي عملتهم معايا خلاوني نبرد عليك معادش ملهوفة عليك كيما قبل مزال الحب في قلبي نحب ننساك نعرف اللي هو موش بالساهل حكايتنا خايبة برشا الوجيعة أكثر ملفرحة كي نرا صحابك نتذكرك نتذكر أياماتي اللي عديتها معاك كرهت حياتي خاتر تعلقت بيك قلي ننساك و لا نستناك عمري لا كنت نتصور حكايتنا بش توفى بالطريقة على أقل كانت تنجم توفى مزيانة موش خايبة و حتى كي يحكيولي عليك نقلهم يا حسرة كانت حكاية حلوة برشا زعمة خاتر مانيش مزيانة هذاكا علاه بعدت عليا زعمة طبيعتي خايبة زعمة قصرت معاك في حاجة ديما نسأل روحي الأسئلة هاذي أما الحقيقة عكس هذا الكل معادش بش نلومك و معادش نقلك علاه أما مستحيل كان ننساك خاتر نحبش مشكلتي نسامح فيسع العباد ما نشدش في قلبي و ما نحبش نشد تربيتش عل حقد مانيش ملايكة أما كل حاجة في بلاصتها غاضتني بلحق كيفاه عملت معايا هكا خاتر ما نستاهلش تي بلعكس عطيتك من وقتي و عطيتك ثيقتي و عطيتك قلبي و روحي و حبيتك أنت كنت حاجة spécial تعرف وقتلي توقفت 4 أيام صاار فيا ما تتصورش قداه عانيت في غيابك هو وحش هو الوحش قتلني و التخمام كلاني نخترعك في خيالي و بيك نعيش

Posté par Dorra_91472 le 2021-03-13