Rami_522 sur Sekritoo — Questions ❓

Questions ❓

السلام عليكم
هاذي مشكلتي بش نحكيها توا ونحب رايكم ..
أول حاجة لازم تعرفو الي انا مرضت نفسانيا في 2019 ووليت نعمل حاجات من دون وعيي في فترة شهر وتداويت ..وعندي خويا اصغر مني بعامين لا نحكي معاه ل يحكي معايا حدنا في كلمة السلام وهكاكة بلاش سبب ..
المشكلة عندها نهارين أمي طلعلها الدم وروحت تاعبة شوي ما طيبتش فطور قلتلها اعطيني الفين نشري حاجة ناكلها كبشت وماتت قتلي والله لا خذيتها وظربتني ندبتلي وجهي وكي سمعنا خويا خرج من بيتو وجا قلي مكش بش تولي راجل طول ظربتو ببونيا وجت امي بيناتنا تحز نلقا فوق كتف امي يدو وفيها مقص فكيتهولو جيت بش نظربو بيه امي رمت القاتلة قالت بش نموت وليت هزيت روحي وخرجت ..
باعد في الليل كلمتها قلتلها منيش مروح وتو كي يرجع قدري في الدار نروح قلتلها خويا يجبد عليا مقص ما تظربوش وانا على الفين فرنك تندبلي وجهي قتلي لا راهو كان يلعب بيه المقص وايجا للدار تو نحكو ..
طول روحت هزيت سكينة ومشيت بحذا خويا ترعب هو بصراحة وبابا جا يجري فكهالي قتلو راني نلعب كيفو هو يلعب بمقص وحكيتلو الحكاية قلي ماهو يشوفك ضايع يفيق فيك قتلو علاه تشوف فيا مهبول قلي لا وكي حلفت قتلو والله تشوف فيا مهبول قلي اي مهبول قتلو مالا المهبول يقتل روح وما يشدش الحبس قلي اخرج من الدار تو نكلملك الحاكم قتلو برا كلمهم ومنيش خارج .. وفي الليل خبا عليا السكاكن ههه قتلو راك خبيت السكاكن ونسيت الكيسان بلار..
نحب نعرف رايكم في الحكاية وقولولي عندي الحق ولا لا وراني مرضت بلحق وصلت نخمم نقتلهم عايلة كاملة ...واعطوني حل كان فما بش يطلبو مني السماح

Posté par Rami_522 le 2021-03-20