Hatem_88788 sur Sekritoo — Questions ❓

Questions ❓

نعرف كلامي حد مش باش يقراه و حد ماهو باش أركز معاه لكن كلام في قلبي و حبيت نحكيه ... اعلاه دنيا ولات صعيبة اعلاه دنيا ولات معقدة ؟؟؟ مشكلة مش من الدنيا الايام و الشهور و السنين من ايام سيدنا آدم ال عقد و صعب الدنيا هو الانسان عقدها على روحو و صعبها على روحو .. أنا ما نتسماش قديم ما عاصرتش زمان بكري لكن عشت طفولة بسيطة . كل شي كان ساهل كل شي كان بسيط لا تعقيد لا تكرفيص لا وجايع رأس صغري عديتو في الاجبال و الزواتين ملعب مع ولاد عمي نعدو نهار و طولو نحوسو عل العشوش و نلعبو الكورة و لبنات تلڨط في النوار اخر نهار يربطوهم اب خيط يعملوهم في شطر دبوزة ڨال شنوة vaza ازينو بيها الدار قبل ولدنا و كبرنا في دار عادية حوش عربي ثلاثة بيوت لا زليز لا برتار لا رخام سيمان اكحل الفرش احبد جراية و تلاح وين تحب هاذاكا فرشك الغطاء بطنية و ألا كليم تعملو امي بسداية يا حسرة دنيا كانت ساهلة كانت بسيطة ما فما شي لا تلفون لا انترنت لا تلافز لا play 4 لا Xbox لكن كنا فرحانين شايخين الدنيا كل ڨدامك اعمل ال تحب .. تو عقدنها و صعبنها و دخلنها في حيط ربطنا فرحتنا أب تلفون اخر نوع و بل الفلوس و الدبش و بالمظاهر و الشكل لازم تكون عندك تلفون ثلاثة كاميرا و شعرك عاملو عند حجام و لبسة أب 700 دينار باش تكون فرحان لازم تكون عندك دار مغلفة أب رخام و جبس باش تكون فرحان لازم تكون عندك ملايين باش تكون فرحان اعلاش التعقيد هذا كل بالعكس نتفكر صغري تمرميد مزلنا مراهقين تلڨانا خمسة ولاد ما عناش 100 فرنك نطلعو لجبل و ألا تحت زيتونة نكت و ضحك و فراع و لعب نروح شايخ عامل جو تڨول كاسب الدنيا تو قهوة اكلفهالك شحم ايهود ڨال شنوة ڨاعد في قهوة mixt و ألا قهوة 5 étoiles في لخر كل حد اشد كرسي يغطس في تلفونو ثلاثة ساعات ما نحكوش كلمتين على بعضهم و نروحو طزززززززززز
ملا زمان الواحد ولد فيه

Posté par Hatem_88788 le 2021-03-20