Rim_3617 sur Sekritoo — Questions ❓

Questions ❓

عسلامة الناس الكل بربي حبيت نفرغ قلبي و نتمنى تنصحوني بلاش كلام جارح أنا ما وصلت كتبت هوني إلا خاطرني بالحق ما لقيت لشكون نحكي...
و أنا صغيرة دارما نقلوا مالحي الي نسكنوا فيه و أنا حبيت نبقى نقرى بحذا ماماتي و جدي و وقت أنا صغيرة كلنوا يحبوني برشا و أنا زادة متعلقة بيهم بحكم أنا أول بنية في العائلة وقتها نقرى سنة خامسة و بابا ما عارضش خلاني قالي مزالولك هالعامين كملهم كيما تكملهم ميسالش..
المهم كانت عندي بيتي وحدي و وقتها كان عندي ولد عمتي يقرا نوفيام و معاود يعني يتسمى كبير شوي كلن حتى هو ساعات ك ما يلقاش transport يبات في دار جدي منهم ليلة نتفكرها ك تو ليلة سبت و كلنا في صالة نتفرجوا في التلفزة جاء يفدلك عليا و نلعبوا و نتضاربوا و أنا كنت صغيرة مافيباليش بخباثة مخو نتفكر انو كان يتحسس في بدتي بطريقة غريبة و أنا بالحق استغربت أما ما كنتش نعرف الحاجة هاكي شمعناها المهم بقى يبوس و يحمل قدام دار حدي comme si محبة و أخوية و ك نرقد ولا يحب يحكيلي حكايات و بعد يكمل في الخمج متاعو...
المهم أنا تو عمري 22 سنة مخطوبة و على أبواب عرس خطيبي حتى يجي يشدني من يدي دراكيفاه متربث و نخاف و نقوم بقاتلي كالنكتة الكحلة و وليت مرعوبة من أي physical contact حتى مشيت ل psy و شي ما تبدل و أحنا نحبوا بعضنا و أنا خايفة لا نخسروا ولا شمو نجم نعمل نهار آخر بعد العرس ك يحاول يقربلي خاطر صدقوني مستحيل نجم نخليه يقربلي و أكيد هو مش بش يرضاها الحكاية هذه و تو ماشي فيبالو متصرف معاه هكا خاطر حاشمة و أنا بقاتلي كالصدمة الي ما نجمتش نتجاوزها حتى تعنيقة و نحس بدن مس في بدني نموت و ما نحملش و نبعد بالوقت
أنصحوني شنعمل يعيشكم

Posté par Rim_3617 le 2024-02-14