Rami_522 sur Sekritoo — Thé ☕

Thé ☕

السلام عليكم ورحمة الله بش نحكي مشكلة وبجاه ربي كان لي يفهم يجاوب العباد لي بش تكذب خليكم رايضين ويرحم والديكم الناس الكل .. باهي عندي مدة تبت ورجعت لربي بديت نشوف في حاجات حسيت حجاب الرؤية قاعد يتحل كل مرة نشوف حاجة جديدة .. لين فما نهار مشيت لدار جدتي قتلي فما مرا عاملتهم سحر ودعت عليها عاد مشيت لوراء دارهم قريت قرآن وقلت في قلبي يا ليت السحر لي عاملينو يجي قدامي تلفت نلقا قطعة متع دبش معقودة 4 عقد وريحتها خايبة علخر الحاصيلو ربي قدرني بش نفك السحر .. بعد الحكاية هاذي ب3 أيام مشيت للجامع في صلاة المغرب اول ما دخلت شفت زوز رجال اول مرة نشوفهم البنية الجسدية متاعهم كبيرة برشا سبحان الله قلت مستحيل يكونو أنس هاذم جن والا ملائكة المفيد ما حكيتش معاهم وقعدت انا فقت بش نصلي وهو جاني قلي اسم الأخ قتلو اسمي و قلي اسمو. .. الراجل الي وراه هاز كتاب وستيلو ودرا فاش يقيد والي حكا معايا مزيان برشا ولابس دبش عادي وزيد مدلي قميص قلي البس قميص وزيد قلي معادش تصلي نوافل بين العصر والمغرب وبين الصبح والظهر وقتها تصدمت وتأكدت لي هما مهمش بشر الحاصيلو بدينا نصلو صلى على جنبي اليمين وكي كملنا سلم عليا وسلم على الي بجنبي الكل ياخي وليت نسمع فاش يحكو في قلوبهم واحد منهم قال مزال صغير الطفل سبحان الله .. عمل هكا الراجل سلم عليا مرة أخرى واختفى. . نهارتها ظهرتلي كيف الحنة في يدي اليمين وكي خزرتلو في عينيه قبل ما يمشي سبحان الله حسيت روحي انسان جديد وكي خرجت من الجامع القبول زاد عندي علخر الحمد لله والله العباد الكل ولت تحبني من غير سبب .. السؤال متاعي هاذم شنوا ملايكة والا جن ما فهمتش..وما ننجمش نسأل لي يصلو معايا وشافوهم ما ننجم كان نسأل لهنا خاطرني مجهووووول

Posté par Rami_522 le 2021-03-23