Takwa_37376 sur Sekritoo — Questions ❓

Questions ❓

نخاف نخاف من الدنيا من العباد نخاف حتى من روحي أي نعم من روحي أنا وين شبيني هكا شبيني مهمومة مغمومة و ساعات مضلومة شبيني حزينة وفي تركينة متخبية أنا إلي نتوجع منغير منتكلم أنا الطفلة أنا المرا إلي تهنت تضربت توجعت أنا إلي معادش فيا روح أي نعم معادش يقولو ميحس بالجمرة كان إلي يعفس عليها أما أنا منجم يحس بيا حد علاش علاش ولينا نعيشو هكا علاش وليتوا توجعو هكا أحنا بشر و نحسوا كيفنا كيفكم أما لوقتاه لوقتاه باش نقعد نحارب و حدي لوقتاه باش نقعد كيما أنا بلاش روح بلاش إحساس موجوعة و م الدنيا مهمومة أنا الطفلة و المرا و الراجل أنا إلي بالف ذكر و ذكر أما مخيبها الدنيا توجع بلاش متوجع مخيبها خاطر ديما ضدي موش معايا مخيبها خاطر عيشتني حاجات أكبر من طاقتي حزينة أنا حزينة على روحي المسكينة إلى بين يديه ولات رهينة حزينة على روحي المسكينة إلى معاه ولات بلاش قيمة تي علاش وليتو هكا رانا بشر خلينا نعيشو صحيح من الضعف نصنعو قوة و من الوجيعة نتعلمو أما أنا لوقتاه باش نقعد نتعلم يزي!!!! يزي إلي شفت و إلي تعلمت يزيني متعذبت و تمرمدت و على يديك تضربت أي نعم تضربت هذي شويا من الوجيعة إلى حكيتلكم عليها أنا الطفلة إلي الدنيا عيشتها حاجات أكبر منها منيش مسكينة أما على روحي حزينة خاطرها ولات يتيمة مسكينة خاطر من الدنيا مقهورة و من عبادها موجوعة أما يزي يزي منك راني تعبت و تعذبت خاطر على يديك تضربت و تهنت أنا الطفلة إلي تضربت و توجعت و على وجيعتى محكيت و مفرغت أنا طفلة أي نعم طفلة أما التجارب خلاتني نعيش راجل❤

Posté par Takwa_37376 le 2021-03-26