Firas_82802 sur Sekritoo — Questions ❓

Questions ❓

قداش من مرة نكتب ميساج طويل و نفصخو قداش من مرة نحاول نصلح نرجع نحكي اما مفمش فايدة مالكلام نولي نسكت خاطر نعرف باش نكتب نفسر و نحكي باش يتقرا الميساج بعد ساعة... سعات بعد نهار و نهارين...
وقت لي تشوف انسان عزيز عليك يجاوب مخر كي تسالو تلوم عليه يقلك مشاغل الدنيا..
ولا يجاوبك بكل برود يقلك فما مساحة خاصة لازم نحتركو بعضنا في وقت لي يكون هو تاعب يحب يحكي تسمعو تكون معاه تحاول تلقا معاه حل...
الناس هاذي تعيش بالنفحة نهار لي يتعب ما يسمعو حد يجيك انت الاول نهار لي يفرح يكون في وقت مفماش ضغوطات ينساك..
لازمك تتعلم و تعرف وقتاش تحكي وقتاش تجاوب علي ميساج خاطر موش كل انسان انت تعزو و تحبو هو يحبك ينجم يكون يعبي بيك في فراغ و يعدي في وقت و ماشي علي روحَو...
كل انسان اعطيه حجمو اعطيه لي يستحقو خاطر انت زادة تستحق شكون يعطيك قيمتك يكون حذاك وقت لي تستحق تحب تحكي تستحق تفرح تكون دايرة بيك ناس تلقاهم في غصرتك..في تعبك و سكاتك..

Posté par Firas_82802 le 2021-03-27