Aziz_36401 sur Sekritoo — Questions ❓

Questions ❓

مشكلتي هبطها اكثر من مرة وملقيتش حتى حل : المشكلة في الشايب سميتو هكا خاطر كيف نقول بابا تقولش من واحد ضربني بسكين في القلب. هو السبب في حالتي وفي حياتي لدمرها. رباني منخرجش مالدار اعظم مالطفلة الشارع منعرفوش كان كي وصلت 25 سنة وباقية لحكاية ماثرة فيا برشا حتى بعد مخرجت نحس روحي مجبوس ونحب ديما نقعد في الدار والخرجة قليييل وين نخرك مرات نقهد شهر كامل في الدار والخرجة منخرجهاش خاطر معندي وين نمشي منعرفش بلايش بلادي منعرفها اي نعم يا سادة 31 سنة لا نعرف شارع ولا نعرف نتحدث ولا نعرف نتصرف. آنا مستقبل بيش نخمم فيه. قبل كانو خواتي صغار وانا يجبرني الشايب بيش نخدم المرمة مع انو مقاول في البناء لا يقلك بارك الله فيك ولا يعطيك الصحة تروح بالعرق يعطيك سطاكة على راسك ومرات قدام الخدامة تتذل ولا يعطيك مصروف لا شي لبسة كان مش مالقراية ميعطينيش من العام العام. بعد مكبرو خواتي ولا هوما في بلاصتي يخدمو عليه كي الكلاب هو ماعليه كان يقبض الفلوس والاغرب من هكة ميصرفش على الدار قليل يخرج نقولو عندو 2 ملاين يروح تر فر : لا معرس بمرأة اخرى لا يتبع في النساء لا يشرب لا يتكيف ابسط مثال يقغد في القهوة مجموعة من 6 من الناس كيف يكملو يوقف هو ليخلص ونزيدكم زيادة يوصلهم كل واحد الدارو في شورو. وولادو تتخادم عليه وحالتحم لا أراك الله. بقيت أنا في الدار متولهي بالوثايق متاعو وديما نتهرب منو وهو يلوح في روحو. انسان كرهتو كيف نشوفو برك عصابي تتوتر وحدها. بسببو بطال لا خدمة لا شي حتى الواحد كيف يسعى منعرفش من اصلو كيفاه ومنين نبدا ملخر حابس في كل شي خاطر لين كبرت ومعملت شي . عندي 4 أيام راقد في الفرش فقت اليوم لعشية لا سئل قال نمشي نعدي عليه ولا سئل اصلا شنو مرضي ومناش مرضت. كيفاش متحبونيش نكرهو . اوالله قال "ملقاش وقتاش يمرض كان كي جيت مستحقلو" تو هذا كلام يقولو أب للإبن. كان فما حل فيدوني والله تعبت

Posté par Aziz_36401 le 2021-04-16