Akram_91096 sur Sekritoo — Questions ❓

Questions ❓

ههههه يا مبدل لحيا بلحيا !! يا خاسرهم الزوز ! ولا شنوا المثل هذا!!!
الحصيلو انا عشتو!! و هذا اخر ستاتي عندي في السيت هذا ...
انا كنت عايش مع وحدة بنت حومتي 💕 متربي معاها و جونا باهي تحبني و تقدرني و عاملتلي قدر و قيمة... اما كيما كيما تعرفو بين كل زوز اكيد فما شويا مشاكل و عرك !! في عركة مالعركات دخلت وحدة اخرة!! بنية تحفونة و دلولة عرفتها لهني في السكريتو!! هههه تعلقت بيها و عزيتها و عوظتلي الناس الكل !! نعرفش هيا زادا حبتني ولا هيا تعرف تمثل مليح... بعد عام ملي نحن مع بعضنا ڨلڨت منها و فهمت لي هيا متع ميساج اكثر من هكا ما تنجم تكون معيا شي توا عندنا شهرين ولا ثلاثة بعاد على بعضنا و نحكو سعات و حتى كي نحكو نتعاركو و نرقدو !!
انا السيت هذا خرجت منو كان بالتعب خاطر انا بالحق بهيم و نعرفش نمثل يعني كي نحب يا نحب بالحق يا نبعد توا وين حسيت روحي لازمني نبعد و باش نبعد بالحق لازمني نرجع لبنت حومتي و باش نزيد نورط روحي لازمني نعطي فيها الكلمة و نتلها بيها و بعد عالحكايات الفارغة نتع ميساج و سهرية و تفيق الصباح تلقو رواحكم كل واحد في ثنية...
نشالله معرفة طيبة مع الناس الكل و ليلتكم زينة ❤️

Posté par Akram_91096 le 2021-04-24