Emna_7216 sur Sekritoo — Questions ❓

Questions ❓

السلام عليكم. بالله انا عندي حاجة مقلقتني برشا برشا و ماذابيا نطرح مشكلتي و الأصدقاء اللي أعمارهم 30 فما فوق يفيدوني بالنصيحة خاطرني في مرحلة فيها تحديد مصير حياتي.
باش نحاول نختزل. انا شابة تونسية عمري 30 سنة كملت قرايتي و الحمد لله نخدم، مقيمة خارج تونس ومستقرة ولله الحمد عمليا وما إلى ذلك. خطيبي موجود هو زادة يخدم هوني. احنا عشنا قصة حب كبيرة وعشرة سبع سنوات. لكن كل مانقدموا في العمر تتغير فينا حاجات بما فيهم اني. الواحد كل ما يكبر كل ما يتغير. عندي مدة مللي تعرضت لاشكال و قاعدة نحاول نلقى حل وبإذن الله لاباس ان شاء الله. ولكن اني موجوعة من ردة فعل خطيبي خاطرني اني بنية وحدي في بلاد الناس ونقول مالينا كان بعضنا. تفاجأت بردة فعله كي كلمتو باش ياقف معايا يقولي اني تعبت و هلم جرا.. اني تنرفزت ياخي قتلو تاو نتصرف. قام قالي ببرودة دم اوك.
كلمت اختي في تونس نبكي خاطر حسيت بالغربة وحسيت بروحي طفلة صغيرة ضايعة رغم اني تجاوزت الثلاثين اما ديما المرا تحب راجل تتسند عليه وقت الشدة خصوصا لما تكون في غربة. و قلت هذا الإنسان كيفاش بعد شهرين باش نعرس بيه وهو هكا يخليني وحدي. اللي نرفزني انه مش اول مرة.و السؤال الثاني اني خطيبي مانحسبش معاه الفلوس. ونقول ميسالش نهزر الحمل مع بعضنا جاني مؤخرا طلب مني نعاونو في الصالة والفرقة عاونتو بمبلغ كبير نوعا ما.
نحب نسأل خصوصا الرجال هل تصرفي هذا عادي. وهل تصرفه هو عادي انه يخلي خطيبتو تواجه مصاعب الحياة وحدها خصوصا في غربة. وشكرا

Posté par Emna_7216 le 2021-05-03