Tarek_87672 sur Sekritoo — Questions ❓

Questions ❓

صباح الخير هاذي مشكلتي
وسامحوني عالكلام الز ا يد

عندي ولد كان صاحب بالنسبة ليا أكثر من الخو عاونتو ووقفت معاه وما شاف مني حتى شي خايب ووقت لي حبو أصحابنا يغدروه مشيت عاودتلو طول خاطر معزتو عندي كبيرة وحليتلو عينيه على برشا حاجات .. وكلينا ماء وملح مع بعضنا وعاونتو بلي نقدر وأكثر ملي نقدر ..
وانا كنت مصوحب طفلة وتعاركنا مرة قتلو يحكي معاها بش يصالحنا وتصالحنا .. وبعد نهارات قصيناها .. ياخي هو قعد يحكي معاها وهيا ماني حاكيلها الي بوه لاباس عليه قتلو نزيدو عام وايجا اخطبني ...
قعدت معاه مريقل مدة كبيرة وقبل نهارات خلى تليفونو بحذايا نلقاها تطلب فيه وحاط بجنب اسمها قلب وتاج .. جبدتهالو بفدلكة قتلو شنوا انت وفلانة قلوب وفازات قلي لحظة والله شي تو نوريك وجبد تليفونو بش يوريني الميساجات .. قتلو خلي خلي مغير وعالكلمة رجع التليفون ...
توا انا تعاركت معاه عالحكاية هاذي وقتلو انت حبيت تخسر راجل على خاطر قحبة وكلبة فلوس .. قلي صار هذاكة علاش مكرز انت قول غاير عليها واكهو وعندك حق وقلي معقد ومخك حاشيهولك انا اصحاب عادي انا وياها قتلو كان جيت نغار عليها راني ما قتلكش قحبة وكلبة فلوس .. اما انا مسامحك وفي نفس الوقت سامحني انت خاطر ما ننجمش نقعد مع انسان غدار .. ويمكن انا معقد ومخي حاشيهولي .. خير كي ارتحت مني وربي معاك ويسترك ❤
رايكم يهمني ..

Posté par Tarek_87672 le 2021-05-03