Skander_28393 sur Sekritoo — Histoires drôles 😂

Histoires drôles 😂

... نخدم وحدي .. نسكن وحدي .... نقعد في قهوة وحدي .. نطيب ماكلة وحدي .. ديما وحدي ..
الخايب في الوحدة إنك تواجه روحك كل دقيقة و كل درج ... تولي موسوس تولي تضحك وحدك إي تضحك و تبكي ساعات وحدك ... تحكي مع الكسارن في الكوجينة .. تصبح على اللافابو متع الدوش الصباح .. تتغشش على صحن الماكلة لي جات مالحة و إنت جيعان و يلزم تاكل و ماعندكش فلوس لأنو راس الشهر مزال ماوصلش ..
الوحدة خايبة و تعقّد و تخليك تحس بالنقص .. و تفد كي تشم ريحة الماكلة عند الجيران و كي يجيبولك تحشم لأنك في الواقع ماتحبش ماكلة لكن تحب عايلة و تحب ماكلة متع أمك كهو .. .
الوحدة قتل للمشاعر تحس مع الوقت لي معاش تنجم تخالط و معاش تنجم تزيد حد في حياتك و تعيش بين الحلمة و الواقع لأنك في تونس وحدك ماتنجم تحقق شي ..
حياتي هذي .. لكن نحبها .. ❤️

Posté par Skander_28393 le 2021-05-09