Emna_7216 sur Sekritoo — Questions ❓

Questions ❓

حطيت نسمع في الشاب مامي غناية وردة الصحراء، سرررررحت مع اللحن لسنوات التسعينات و بداية الألفين. غمضت عينيا وشميت ريحة الصيف متاع قبل وقتلي كنا نفيقو على الدار بالزليز مسيقة ومفرشة بالحصيرة نفطرو قهوة بالشوكولين بالشكوطو و نقعدو قدام التلفزة نتفرجوا في الصور المتحركة في التلفزة يوكرش وساعة ساعة كي ندغدش نعطيها ضربة باش ترجع ههههه تلقانا مسكرين شبابنا عالبرود ومطيشين كل واحد في شورت وخلعة ونتفرج في السندباد و روبن هود و برشا نسيتهم. بعد مع نصف النهار الفطور يبدأ شكشوكة وريحتها فايحة في الدار. خاطر الصيف متسمي عالشكشوكة هههه. بربي قولولي علاش شكشوكة قبل بنينة بنينة عالاخر وتوة لا؟
نتذكر في الفطور امي تصففنا باش نرقدو واحنا بطبيعة الحال مستحيل نرقدو هذا كلام عاد ماهو الكواتشو لواش يصلح هو هههه كي تواني ناكلو بيه ضربة. وكي ماتحبوش تضربنا تقولنا اللي يقيل العشية نعطيه 100 فرنك يشري جيلاط. هو اسمو ڨلاس اما احنا قبل كنا نقولو جيلاط ههه. نمشيو وقتها نرقدو بالسيف والعشى مع الستة ناخذو هاك المية مية و عجاجة للعطار كل واحد يشري كورنو ونروح فرحانين وساعة ساعة نطلبو بعضنا في لحسة ههههه. كي يطيح الليل اكا الحكومة مستحيل تفرغ تلقانا صغار بنات وولاد نلعبو الغميضة والشدة وكنا في نعيم والله وربي ساترنا لا نهار سمعنا حاجة خايبة. كنا اخوات فعلا. نتذكر زادة كي كنا نقلقو امي تقولنا برا أقرأ قصة تاو تتفرهد. تلقانا مبطوحين على جرابة قديمة نقراو في قصة من المكتبة الخضراء هههه يا حسرة. بربي قولولي علاش كي ماكان عندنا شيء لا انترنات لا تلفون ماكناش نقلقو وكنا سعداء وتوة كي عندنا الانترنت نحسو بالتوقيت ثقيل ونقلقو 🤔
نهار الأحد بابا كي يحب يفرهدنا يعزنا لبحر الحمامات كنا نهزو دلاعة هههه وباراسول و ملاحف وشكاكل صابون ههههه نحطوهم وتمشيو نعومو لين نشيخو بالماء و بابا كي نروح يصففنا واحد واحد اني واخواتي فوق السطح ويحل علينا كواتشو الماء يغسلنا من بعد تقول غسيل سيارات ههههه. في الليل ساعات يعاود يرجعنا للحمامات باش يهزنا يا اما للماناج ولا لقهوة. كنا نحطو الحطة اللي يقولك تلقانا سروال بوڨار و ساندال باطا و نڨزو ونلعبو وريحة الياسمين ومسك الليل ماتتنحاش من خشمي. الدنيا تبدأ حافلة والناس زاهية شايخة. نتذكر كنت تشوف وجوه الناس كلها تضحك وراهية.
نحب نرجع صغيرة ونحب امي ترجع صغيرة وبابا يرجع صغير. كل ي

Posté par Emna_7216 le 2021-05-17