Oussama_31739 sur Sekritoo — Questions ❓

Questions ❓

خاطرني من صغري انسان حشام و قليل كلام ، كنت كيف تحكي معايا طفلة ندخل بعضي و ما نعرفش اش نقول و نوصل حتى نخليها تحكي وحدها و نمشي على روحي . كيف كبرت تنحت الحشمة اما مازلت ما نعرفش نحكي مع لبنات 😅 هذاكا علاش لتو 25 سنة و انا سنجل بائس و وحيد 😂 . كيف نشوف كوبل و الا حتى لقطة رومنسية نحس بفراغ كبير في قلبي و شعور غريب ما انجمش نوصفو . الانسان مهما كان قوي ديما يبقى في حاجة لكتف يتسند عليه وقت الشدة و يفرغلو قلبو . العلاقة ما عندها حتى معنى اذا كانت مبنية على حاجات مادية ، المظاهر و الشهوة كلها حاجات تزول مع الوقت ، اذا عجبك انسان و صوحبتو على خاطر مظهرو كيف تشوف ماخير منو مشاعر الاعجاب متاعك مش تتحول لكره و في أول فرصة تجيك مش تبدلو ، هذاكا علاش لازم العلاقة تكون مبنية على العاطفة و على حاجات روحية ما تتشافش اما تتحس.
حبوا بعضكم ❤

Posté par Oussama_31739 le 2021-05-19