Zied_39343 sur Sekritoo — Histoires drôles 😂

Histoires drôles 😂

1٨avril 2018 هاذايا تاريخ عمري لا ننساه طول حياتي هاذايا تاريخ من بعدو بنهارين ولا ثلاثة تبدلت فيه برشة معطيات في حياتي في روحي في نظرتي للدنيا في نظرتي للعباد في نظرتي لروحي هاذايا تاريخ من بعدو بايامات تولدت أحلى و أكبر قصة حب عشتها فال27 سنة لتعداو من عمري هاذايا التاريخ لتعرفت عليه على (س) آآآآه قداش خليت عليا بلاصة كبيرة دخلت لقلبي و منجمتش نخرجك والله والله والله لا نجمت ننساك و لا ننسا تصويرتك المحفورة في مخي ولا ننسا أول رنديفو مع بعضنا مانيش ناسي مساجاتك متاع الفجر لتوصلني و تقيمني مالنوم و تخليني أسعد راجل في الدنيا و الضحكة مالوذن للوذن اينعم أنتي خليتني أسعد راجل في الدنيا انتي دخلتي الحب في قلبي المسكر عندو سنين بعد برشا تجارب فاشلة دارت الايام و تفارقنا و انا غلطت والانسان ماهوش معصوم مالغلط من بعدك والله قلبي تسكر نتبع فيك من بعيد لبعيد عرفت لي انتي سافرت في أول اوت لي فات و نتذكر انا كنت اول واحد فرحتلك من كل قلبي وقتلي بعثولك الموافقة علقرايا فرحتلك فرحتلك على قد حبي ليكي و قداش فرحت للفرحة متاعك تو تعدا تقريب عام ملي تعرفت عليك في هالعام صارولي برشة حاجات توفا صاحب عزيز على قلبي برشة أمي مرضت شوية اختي كيف كيف صارتلي مشكلة في خدمتي شوية لا دخلتني للحبس خلاتني نقدم استقالتي و نمشي نخدم بعيد على دارنا و نبعد جملة مالبر هاذاكا و ديما نقولوا الحمد لله كثيرا ان شاالله تكون في أحسن حالاتك و تكون حققت الامنيات لي انتي حكيىتهوملي قبل و بالنسبة ليا كتكون انتي بخير و في صحة جيدة و سعادة حاجة تجم تواسيني و تخفف عليا ربي معاك و يوفقك و يينجحك انشاالله

Posté par Zied_39343 le 2021-05-22