Chiheb_82629 sur Sekritoo — Confessions 🤫

Confessions 🤫

الحاجة الوحيدة الي تعلمتها من الدنيا وقت الضيق و الشدة حد ما يقف معاك ممكن يتنمروا عليك و يزيدوا على همك اما بش ياقفوا معاك حاجة مستحيلة حتى الي يوعدك بش ياقف معاك في السراء و الضراء مجرد كلام بيزانطي حتى لو كان وقفوا معاك معنويا مهمش بش يطولوا و فيسع بش يفدوا منك ... الناس ميستعرفوا كان بالقوي و الواقف على ساقيه و اهم شئ عندوا شكارة فلوس تحت راسوا
دونك اي حد عندوا ازمات و خيبات في حياتوا نقلوا مغير ما تكسر راسك برشا حل مشاكلك وحدك و تحمل مسؤوليتك وحدك و ديما فكر الي الدوام ينقب الرخام و مرة تصيب و مرة تخيب لين تسلك بحول الله ... و حاجة اخرى متحاولش ترضي حد رضي كان روحك و اعمل كان الي في مخك سينون بش تغرق في دوامة معندهاش قاع و بش تفني عمرك ترضي في ناس تتمنالك كان الشر و الشمنطة

Posté par Chiheb_82629 le 2021-06-11