Chiheb_82629 sur Sekritoo — Confessions 🤫

Confessions 🤫

توا حكاية خمسة شهور لتالي هبط ستاتي هوني في سيكرتوا قلت راهي بش تخلى على روسنا و الكورونا بش تزيد تعشش في طونس و الي مازال عندوا امل في الجمهورية الطونسية نحب نقلوا امل دي تبقى امك ...الخ, ما نحكيلكمش ع السب و التنمر و الدعاء الي هبط عليا وقتها ... و هكم تشوفا حالنا توا كيفاه عملونا كوكتيل تع كورونا يا هندية يا يا برازلية يا فيتنامية... يا ولادي افهموا راهم حسبينا عبيد موش شعب تموتوا مليون زوز ميهمش ..تصور وزير السياحة العبقري طلع في اخر ماي قال الامور كارثية رجع بعد بايام في اول جوان قاللهم الامور تحسنت جيست بش ايجيب السواح و ايخدم الوتلة تع المافيا . تي هو بيدوا عندوا اوتيل و الا زوز , حاصيلوا منطولش عليكم و نزيد نعاودها متتفائلوش برشا بش نزيدوا نغرقوا اكثر.. ع الدزة تع الحكومة تاعنا استنوا عام اخر و الا زوز بش ايجبونا اللقاح و تبدا تتحسن نسبة التلقيح و على فكرة بش يجبولنا السقاطة تع اللقاحات ... بش يجي نهار و بش نحلموا نولوا كيما جزر القمر افقر بلاد عربية سكرت حدودها من الدقيقة لولة جوهم مزيان يوميا 0 حالة كورونا 0 وفاة ..اقتصادهم قايم على الفلاحة و الصيد البحري هيكا امورهم ماشية و جوهم في العنبر

Posté par Chiheb_82629 le 2021-07-01