Skander_21878 sur Sekritoo — Questions ❓

Questions ❓

محلاهم الناس الي متتبدلش... محلاهم كيف يبقاو كيف ما هوما أول ما أعرفتهم... لا تغرهم لا مال و لا جاه... محلاهم الناس المتواضعة الي ضحكة ديما على الفم و عسلامة مالقلب تتقال... محلاها الناس الي متحسدش بعضها... الناس الي تتمنى تشوفك فرحان... تتمنالك الخير... متحبش تكون خير منك ... و حتى كان ولات خير منك متحسسك بهذا... محلاها الناس إلي متتبدلش كيف تشد خدمة و تدور عندها الفلوس تبقى أول ما عرفتها الناس الي كيف عندها مائة فرنك... كيف عندها مليار ... متتبدلش... محلاها الناس الي تحب الناس و تفهم الناس و تعاون الناس و متبدلكش خاطر عرفت ناس جدد.. محلاها الناس الشبعانة... الناس الي يديها مليانة بالعطاء و الكرم... الي متحسبهاش معاك... محلاها الناس الي متستغلكش و متستغلش طيبتك و كرمك و عطائك لمصالحهم الي ميقولوش من لحية الدغف كيف تمدلها حاجة و الا تأخذ منك حاجة... محلاها الناس السيسة الي تحب تسمعك و تفهمك و تعطيك قيمتك و قدرك مهما كنت أنتي أقل منهم... محلاها الناس الي تخمم فيك كحدها عليك و تحبك ليك الخير... محلاها الناس الي تلقاها معاك في وقت الغصرة وقت الشدة وقت الحزن ... محلاها الناس الي تضحك لك في وجهك و في قفاك زادة متغدرش.... محلاها الناس الي ترى بالعشرة و تعرف قيمتها و تعطيها كارها ... الي متنساكش و متحبش فيك كلمة خايبة .... محلاها الناس الي متغيرش و متحقدش محلاها الناس الي تعيش لروحها و تلبس لروحها و تاكل شنوة تحب لروحها موش لعباد تقول عليهم والله عايشين ... محلاها الناس الي تسامح و تغطي و تستر ما ستر ربي و كيف يجي حد يحكيلها حكاية متقولش عليه ... بيه و عليه... محلاها الناس الي لاهية بروحها موش بخلق ربي ... محلاها الناس الرزينة ... محلاها الناس الاخلاقها كريمة ... و صفاتها حنينة.... محلاها الناس الي متشدش البغض و تنسى الي صار تبدا معاك صفحة جديدة... محلاها الناس الي تحترم تخمامك عقيدتك لبستك ستيلك و تفاصيل حياتك... محلاها الناس ... أما خسارة والله ولات بقلة ناس هذه توا كل حد نفسي نفسي كلها تجري ع الفلوس و مصالح و المناصب ... نساو الي كل شى يفنى كان الكلمة الطيبة... كان الكلام الحلو ... كل شئ ... يجيه نهار و يوفى مال و الا جمال و الا سلطان و الا ديار... كل شئ ... ليه وقت و يوفى كان الحب و القدر و العشرة و الصحبة الصالحة الطيبة... حبيت ناس هذم و أنا ان شاء الله نكون منهم خاطر

Posté par Skander_21878 le 2021-07-02