Ghassen_20356 sur Sekritoo — Questions ❓

Questions ❓

مازلت نخاف و قلبي يدق بزربة كيف حدّ يقولي انو مسافر على قريب ... 😔
كيف حدّ يقولّي حاجتي بيك في موضوع مهم ، كيف نطلب حد نلقاه مايهزّش ، كيف نتعارك مع حد قريب مني و نحس انو الحكاية كبرت و مانعرفش شنية يهدّيها ..
كيف نكون عامل مفاجأة لحد و موش عارف باش يفرح ولا لا .. كيف نكلم شكون عندي برشا ما كلمتوش و موش عارف باش نلقاه تبدّل ولا لا ، كيف ليلة عيد ميلادي تجي نص الليل و نبدا نستنى باش نقرا الكلام اللي باش يكتبوهولي الناس و نشوف شكون باش يكلمني الأول 🥰
كيف ندق على باب دارنا و يبطاو باش يحلوا ، ولا كيف يدق الباب و انا موش مستني حد ، كيف حد نحبو يتعب و ينهار و انا ما نجمش نهز معاه الحمل ..💔
موش عارف اما الواحد مهما عمل روحو قوي و ما يتأثرش ، ديما تجي حاجات صغيرة و تثبت العكس
حاجات و تفاصيل متذكرهمش يمكن اما تبين قداش نحنا ضعاف و مازلنا نخافوا مهما كبرنا😔💔💌

Posté par Ghassen_20356 le 2021-07-05