Maha_52492 sur Sekritoo — Questions ❓

Questions ❓

منين باش نبدى
عام طويل صعيب .. عام ما نعرفش عليه منين نبدى ؟ زعمة نبدى من ١ جانفي ٢٠٢١ ؟ و الا نبدى من ٩ سبتمبر ٢٠٢٠ ؟ و الا ممكن من الاحسن نبدى من ٢٦ جوان ٢٠١٨. هكا ما ننساش علاه بديت و منين خترت اني نبدى. القصة بدات نهارت الي نجحت في الباك 2018 .. خرجت من شباك الكرهبة و عيطت ..حركة طفولية تمنيت حياتي الكل اني نعملها و عملتها ... و يا ليتني ما عملتها كان ماشي في بالي سلكتها طلعت وقتها بداية السكوت ممكن اول و اخر صرخة حرية وقتها مازلت ما حسيتش بالمسؤولية و كان ماشي في بالي الي الحرية هي الباك و الخروج من قابس ف كابوس متاع البريبا تقلب حقيقة بعد ما كان مجرد كلام على ورق .. لا حتى ورق لا تخنتيب على الهواء .. ركبتلي و يا ليتها ما ركبت .. هي عبارة على توقيع عقد عبودية يا تخسر فيه وقتك و تخرج سيد ل روحك يا تخسر فيه عمرك و تنسى طموحك .. الحكاية بدات ببرود و منفوق برشى ناس كانو يقولولي الجملة الشهيرة ' بريبا ؟؟ باش تدوبلي ' كنت نسمع و نفلت و حاولت نتخيل مستقبلي و انا مهندسة و تخيلت حياة ولادي كيفاه باش تكون .. التفاصل كيفاه دخلت للفاك و كيفاه من نقطة نلقى روحي وليت نسكن في مبيت مع بنات منعرفهمش و مش نفس طبيعتي و مش نفس ميولاتي .. متعودة بالوحدة و البخل قتلني .. ما جريتش على روحي .. ما تعودتش بالريتم و الوكس قتلني .. مش طموحي مش هاذي الفاك الي حبيتها .. ميسالش عامين و يتعدو .. تصرفاتي معادش راضية عليها عباد دايرة بيا ما نعرفش شتعنيلي .. و فجأة وليت وحيدة في بيت نتكلفخ مع سنيني علاش انا هوني ؟ .. تجاوزت طموحي و تعديت جروحي و قلت نعاود نبدى و منجمش ننسى نهارت الي نلقى روحي صبحت يتيمة .. كلمة ما عمري لا قلتها على روحي اما هكا الواقع .. ممكن انا يتيمة عندي سنين مش فايقة ب روحي اما هاكي حقيقة لازمني نستوعبها و شهور نتجاوز في جروحي .. حطيت اللوم علي روحي و تجاوزت و بديت نصلح في روحي .. فالدنيا حبيت تفيقني و ضرتني في امي روحي و ما بقالي في الدنيا الحمد لله بقاتلي قرة عيني .. و الخوف ما عملش الصحيح و شجعني باش نطيح... لكن تجاوزت جروحي و بديت نقوم و نطيح و اخر طيحة خليتي نفيق الي انا ممكن عالة عالناس وليت .. شديت صحيح قلت ناقف لروحي و ما نسلمش و الاحاسيس خلتني ما نقدمش و لكن زادا ما نوخرش... و جا النهار الي فيه بالواقع تصدمت واقع الي انا في المستوى ما كنتش حتى كان تضل

Posté par Maha_52492 le 2021-07-15