Hedi_79658 sur Sekritoo — Questions ❓

Questions ❓

السلام عليكم
انا تونسي عمري 28 سنة.. عندي برشا كلام نحب نقولو.. ماهوش باش يخرج منظم ولا في حكاية متناسقة خاطر برشا حاجات ممكن باش يخرجو اول مرة... تربية بابا كانت صعيبة.. كان صعيب معايا برشا، كان يضربني. كان اكثر حاجة نخاف منها فالدنيا! تصورو طفل في عمر اربعة و خمسة سنين بابا يبدى يبرڨ في عينيه فيا و يضرب فيا على قوتو و نحسو يحب يفهمني الي لازمني نخاف منو والي هو ينجم يعمل اي حاجة ،و مصيري بين يديه.. باهي هوما فالعادة مش يبدا فما زوز اقطاب فالعايلة؟ تبدا الام حنانة و البو صعيب؟ مثلا تعمل عملة امك تلطف الموضوع ولا تخبي عليك كي تنجم ولا تحب على حاجة مثلا تقول لامك وهي تعرف كيفاه تلقى دخلة؟ انا امي بيدها كانت تخاف من بابا هههه بحيث كان ماعندي منو حتى مهرب! حتى امي ستانست اكاكة ولات نعمل حاجة ولا تصير حاجة تعرفها تغششو تمشي تقلو عليها حتى كي يبدا ماكان عندو منين يسمع بيها.. زعما زعما ماشية معاه بمبدأ الصدق والامانة...المشكل بابا كان يعمل اكاكة و يضرب و يثور و يعيط كان عليا انا! فالدار يعني،ماريتوش الوجه اذاكا فالشارع مثلا مع الناس ولا كي تصير مشكلة لبرا ولا حاجة! بالعكس لبرا انسان مسالم عاللخر ! معايا انا طفل عمري خمسة و ستة سنين وحتى قبل يوليلي وحش مسيب..تصدق في حياتي كاملة مرة وحدة صارتلي حاجة لبرا و روحت لبابا حكيتلو؟ مرة وحدة.. رغم الي الي صار عليا مش شوية.. انا وقع الاعتداء عليا جنسيا مالي عمري 6 سنين و ماتكلمتش.. اولا ماكنتش فاهم وقتها شنوا قاعد يصير.. و ثانيا و رغم الي كنت نعرف حتى بالغريزة الي هيا خاجة مش طبيعية مانجمش نحكي لا لبابا لا لامي خاطر هكا ولا هكا باش توصل لبابا الوحش و نخاف لا نطلع انا الغالط ناكل طريحة... و هي طريحة؟؟ ايا اسيدي الي فاتكم اغرب.. مرة واحد فالحومة متاعنا كبير هو بالنسبة ليا انا، انا عمري 6 سنين و هو ممكن 10 ولا 11 ..كانت فما بطحة فالحومة يتلمو فيها الصغار، هزني قلي فما طفل باش تتعاركلو.. انا وقتها لا عمري عملت عركة فحياتي.. خواف.. نخاف حتى مالفراع.. مانيش مستانس بالكونتاكت مع لعباد جملة.. اكا ترعشني نرعش! .. جابني قبل البطحة شوية قلي باش نعلمك فازات باش تربح الطفل.. علمني كيفاه نشد واحد من خناڨو و نكبس عليك المريول لين نخنقو هههه حاصيلو جربناها مرتين ولا ثلاثة و تفارعنا شوي عجبتني لحكاة بقينا يجي نص ساعة عبارة يراني في

Posté par Hedi_79658 le 2024-04-11