Chiheb_82629 sur Sekritoo — Questions ❓

Questions ❓

قلبي معبي ياسر ملي عملوا الطرطور سعيد و منحب ندخل في حتى نقاش مع الناس الي دايرة بيا سوا في الواقع و الا افتراضيا خاطر اغلبهم اما مدمر مل الوضع و الا سارح في ملكوت اخر .جيست حبيت نفرغ قلبي اكهو..
اول حاجة توا الناس اغلبها كي العلالش فرحانة بلي صار نفس الفازة كي انتخبو سيادتوا اول مرة قالوا نظيف يللش و لكلها تشكر و تمجد. اكهو كبروه في رؤوسهم و قالوا هذا المهدي المنتظر الي نستناو فيه.. و مش فاهمين الي هما مجرد بيادق شطرنج في لعبة كبيرة و المحرك تعها الاساسي الي ماسك خيوط العرائس هوما حكام الخليج لا الصهيونية لا الامبريالية لا وذني و علاش الخليج بالذات ساهلة ياسر خاطر اذا نجحت الثورات بش توصللهم الحريقة اجلة غير عاجلة هكا علاش دمروا بلدان الثورات من اليمن السعيد الي مصر الى ليبيا... الخ الخ تقريب مخلوش حد في راحة و اخير وصلوا لتونس اما المرة هذه لعبوها صح عكس المرات السابقة. اللعبة طيبوها سلة سلة من عبير الروبوت شرجوها بالفلوس لين غوصت و كل ما تنبح اكثر و تكره الناس في البرلمان كل ما ايزيدوها في علفتها, لمدام عبو للناصفي .., لاعلام ( الوبنة ) و ما غير اعتذار للكلمة خاطر هكا ادق توصيف ليهم. لكلها شروها و الي ميتشراش بشوية فلوس يتشرا ببرشا فلوس كيما قال مرجان احمد مرجان.
باهي و سيادة الرخيص شروه زادا نجم نقلك سيادة البهلول قيس سعيد ما يسواش تعريفة عندهم جيست لعبولوا على مشاكلوا و العقد النفسية الي فيه من توهم الاشياء و الارتياب الزايد عن الحد. لاكبر عقدة عندوا هي التحجر العقلي اش خلاها مترقاش في خدمتوا عندوا سنين ربي ... الخ الخ... بش تسبني و تقلي الشعب فرحان انوا قلع الخوانجية و زمارة نقلك و نزيد نعاودلك الشعب مجرد بيدق يقنعوه بالفرحة يفرح يقنعوه بالحزن يحزن .. اعطيني قوة تع فلوس و اعلام في ايديا توا نوجه الشعب كيما نحب و نسيطرلوا على عقلوا و نبرمجوا كيما نحب.. بش تقلي خلينا فرحانين نقلك افرح دبر راسك اما ايطول ليلها و مصيرها تعلف.. و توا تشوفوا لعجاب كيما قال شقيقوا و توأم روحوا بلحة تع مصر .. اذا غايضكم الهم الي عايشين فيه نقلكم رانا قادمين على ايام مسودة ملودة اتعس ملي تعدى و بش تتحسروا على ايام كنا دولة شبه ديمقراطية ... و بالنسبة للناس الشامتة في النهضة وغيرها نقلهم هكم ناس منتخبين كيفهم كيف سعيد و اذا في بالك بش تحشرهم في الزواية نقلك يبطى في الهبطة من

Posté par Chiheb_82629 le 2021-07-26