Mariem_87772 sur Sekritoo — Questions ❓

Questions ❓

تجي تشوف.. تلقى كل شي كذب في كذب.. لا تقول عندي صاحب لا حبيب.. قداش من صاحب بعد و الا غاب و الا تبدل عليك ما عادش تعقله.. قداش من حبيب ماعاش يعجبك أو تعجبه و معاش تحبه و يحبك.. مكش بش تعز الشخص ديما و تحبه ديما.. المشاعر نفسها تتبدل و تتقلب.. الغلطة موش منك و موش منه أما هي الدنيا هكا.. محطات و شي ما يدوم لا صحبة لا حُبّ.. قلييييل وين يدوم الحب و المعزة وقت الدنيا ماتفرقكمش موش خاطر نتوما تحبوا العشرة تدوم و ساعات المصلحة بيناتكم موجودة ديما.. انت مزلت تحتاجه و هو زادا..
أغلب الصداقات اليوم مبنية ع المصلحة؛ تنجم تكون متمسك بصاحبك ع الونس أو ع الجو و الشيخة أو خاطر هو الوحيد لي يفهمك و تتفاهم معاه أو خاطر بش يعاونك في حكاية أو خاطره عنده الفلوس أو خاطر جارك و كل ما تفد تدق عليه تخرجوا تتونس بيه أو خاطر صاحبك ضامر برشا و أنت تحب ع الشيخة و الضحك.. ديما ديما فما سبب للصحبة فماش حب هكاك بلاش سبب و كي تنتفي الاسباب يوفى الحب و العشرة و الصحبة...

Posté par Mariem_87772 le 2021-07-29