Manel_17642 sur Sekritoo — Questions ❓

Questions ❓

باش نحكي حكاية و نعرف حتى ماهو باش يفهمني أما ميسالش قررت نحكي . أنا طفلة عمري 23 سنة إنسانة عندي ضمير و نخاف ربي برشا نقرا طالبة ماجستير . مشكلتي منحبش أمي نحب عامة الناس أكثر منها . ممكن تستغربوا أما هي وجعتني برشا بالكلام و التصرفات . ديما الكلام الخايب ديما أنا منعرف شي و منصلح لشي و ديما تقلي مخيب منظرك و عفشة هذاكا علاش طلعت معنديش ثيقة في روحي بالرغم برشا قالولي محلاك و تبارك الله عليك . من كثر ما تقلي ما خيب منضرك للي كي يكلمني حد نهبط عيني لوطة نقول توا يلاحظ الي وجهي خايب و أنا عفشة بالرغم كي نرا روحي منراش روحي عفشة أما هكة رسختلي في مخي. يقولك كل قرد في عين امو غزال أما بالنسبة لحالتي حتى كانك مزيان راك في عين امك قرد القرودة . عامة الباك متاعي تقولي محسوب باش تعدي الدكتورة بالرغم وقتها كنت في أتعس حالاتي و مورالي طايح . لبستي متعجبهاش خاطر معنديش فلوس باش نشري دبش نجي خارجة للحانوت تقولي خارجة هكة اشباش يقولوا عليك الناس و مخيب لبستك ياخي هاني طالبة و منخدمش منين باش نشري لبسة هي ديما تشري الدبش لروحها و أنا متشريلي شي . أكثر حاجات لتوا راسخيين في مخي وقتلي كنت صغيرة عمري 11 سنة نمشي نقرا في المكتبة العمومية تقولي لا مشيت تقابل في الاولاد تكسرني من داخل عمري 11 سنة و باش نخرج نقابل طفل يا عباد ربي . عديت صغري الكل نبكي و توا وصل عمري 23 تقولي مفماش شكون يخطب و ديما تحسس فيا الي ما يرضى بيا حد . منجمش نحبها و عمري ماني باش نحبها نتمنى كي نموت ما توقفش على قبري جملة 💔 نتمنى كي نموت نوصي شكون نقولوا متخليهاش توقف على قبري جملة

Posté par Manel_17642 le 2021-07-30