Bechir_83463 sur Sekritoo — Questions ❓

Questions ❓

السلام بالله نحب نحكي مشكلتي ليوم لقيتش لشكون نحكي غلطت غلطة حياتي و نادم عليها علخر انا مصوحب وحدة نحبها علخر عمري ما خممت نخونها و لا نغزر لوحدة غيرها كانت عندي انتيمة قريبتلي علخر و كانت تحبني و كانت تعرف الي في مخي كل كي بعدت عليها فترة صوحبت ولت تغري فيا كل مرة تحكيلي عالجنس خاتر تعرف الي هو نقطة ضعفي نعرش كيفاش وافقت و قابلتها البارح و صارت العلاقة اما ما كسرتهاش يعني مش من قدام اما حيست بذنب كبير الي خنت الطفلة الي حبيتها حتى الجنس الي مارستو معاها ما عندو حتى نكهة خاتر احساسي بالذنب غلبني روحت حكت معايا عالمقابلة الجاية قتلها كهو نحبش نكمل حكيتلها شنيا نحس و كل قتلي علقل نبقو صحاب و نخرجو نحوسو مع بعضنا كي قبل قتلها نجمش نغزرلك مرة اخرى وين بش نشوفك بش نتفكر غلطتي تغشت قتلي انت تحبني و غيرو مالكلام انا بقيت متخوف انو الحكاية يجي وقت و تتفضح. الحكاية و انا نجمش نخسر الانسانة الي حبيتها خايف برسمي كان توصللها الحكاية و تبعد عليا و الله نموت نجمش نعيش من غيرها عيشكم اي حد ينجم ينصحني شنيا نعمل و كيفاش نتصرف

Posté par Bechir_83463 le 2021-08-08