Emna_7216 sur Sekritoo — Questions ❓

Questions ❓

مساء الخير، حبيت نطرح مسألة وليت نحس بيها متعبني في حياتي الخاصة.
انا عشت طفولة قاسية برشا و امتدت إلى أن بلغت 28 سنة. عشت في محيط عائلي كلع عنف لفظي وجسدي و نكد ومشاكل ورعب.
عرست ودخلت لدار وعائلة جديدة اول يوم سكرت على روحي وقعدت نبكي برشا خاطر كي مشيت لدار راجلي وشفتهم كيفاش يتعاملوا مع بعضهم حسيت ببرشا نقص و حرمان للحنان العائلي. والاشكال الأكبر مش هذا، الإشكال الكبير انه انا وليت ماغير مانشعر نعيش بالطريقة السلبية في داري مع راجلي. ديما منكدة، مانعرفش نخلق جو بهجة وفرحة كيما نشوف البنات الآخرين. نهار وطولو وانا نعارك وحتى كلامي مع راجلي ديما فيه عنف وعياط. البارح قالي كلمة وجعتني. قالي انا وليت كيفك.
انا مانحبوش يكون كيفي خاطرني عشت في محيط قاسي برشا و ماحكيتلوش ومانيش باش نحكيلو اما انا نحب راجلي برشا ونحب نتبدل وننسى الماضي اللي عشته. نحب نرجع نضحك و نخلق البهجة والسعادة في داري ولكن والله مانعرفش كيفاش العباد والبنات يعملوا هكا.
خممت نمشي لطبيب نفسي ولكن مترددة.

Posté par Emna_7216 le 2021-08-16