Aymen_75078 sur Sekritoo — Questions ❓

Questions ❓

تعرفوا وقتاش معادش نعطي فرصة اخرى لأي عبد في الدنيا ؟..
وقت اللي نحسّ قيمتي وقدري طاحو tellement سامحت وطفّيت الضو..وقت اللي العبد ميعرفش اللي الكلمة الخايبة تجرح وفما تصرفات تقعد في القلب وتجرح..والأخيب من هكا وقت اللي تقلو هذيك الحاجة تقلقني ويعاودها ومعندو حتى مشكلة..أكثر حاجة تقلقني وتخليني نجبد روحي وقت اللي نولّي انا اللي لازمني نسامح ونعدّي..وكي نجي باش ندافع على روحي نولي انا الخايب وقلبي مخيبو..ساعات فما عباد ماشي فيبالها اللي لازمك تسامحو كيف يتعدى les limites وبالسيف عليك زاده "بإسم الحبّ"..هذوما بالذّات فرصة وحده يزيهم..
مالاخر وقت اللي نحسّ روحي أنا اللي نسامح كل مرّة ولازمني نسكت منعطيش فرصة أخرى..وقت اللي نحسّ راحة بالي تمست والعلاقة ولّات toxique نمشي ونسكّر الباب ورايا..صحيح لازم نخزرو للشطر المليان مالكاس ولازم نعذروا ساعات أما الناس الأيامات هذه مترحمش..اللي تسامحو يعفس عليك..واللي تقدرو يطيّح قدرك بلا رحمة
يعني وين تلقى راحة بالك عيش.

Posté par Aymen_75078 le 2021-09-07