Wassim_64938 sur Sekritoo — Questions ❓

Questions ❓

فقت بروحي نحكي مع روحي ووحدي نداوي في جروحي شكون الي عايش فيا وانا مع شكون عايش وين عايش زعمة هذا الكلو فيلم ؟ ولا انا كنت عايش في عالم اخر وتوفيت قبل آلاف السنين والي نشوف فيهم ويشوفو فيا متوفين؟ علاش كي نقعد معاهم ما يشوفونيش ما يحكي معايا حد ؟ علاش كي نطلع في التران ما يشوفني حد ونتعدى كي الخيال بيناتهم كيني عمري لا كنت موجود حاس روحي موجود اما منيش موجود حاس روحي انسان وفي نفس الوقت حاس روحي روح انسان مات قبل آلاف السنين روح محارب تقتل تدغر ورجع للدنيا بش ينتقم ... من شكون ينتقم ؟ وكيفاش ينتقم وهو روح ما يشوفها حد وما يحس بيها حد ؟
ولا زعمة المحارب هذا يتذكر لحظات حياتو الحرب الي مات فيها الجنود الي حارب معاهم وين حارب وزعمة هوما ارواح كيفو ؟ ممكن هوما موجودين في بعد آخر ويستنو في لحظة مناسبة بش يتلمو مرة اخرى وقتها ترجع الحرب والتاريخ يكرر نفسه ...
(تخلويض مهبول لا أكثر لا أقل) 😂

Posté par Wassim_64938 le 2021-09-10