Khaoula_15610 sur Sekritoo — Questions ❓

Questions ❓

ع سلامة
بنت خالي عمرها 18 انداد انا وياها، دخلت في relation مع طفل عندها أكثر من عام.. أول الفترة ما قلتش لدارهم و قعدت تقابلو كيما اي كوبل يجيها ياقف معاها بحدا الليسي و هكا..
جات فترة ستعرفت لدارهم.. ماللول ما وافقوش و كانو ضدها تعذبت برشا مدة شهر كامل.. مبعد بشوي بشوي تقبلوها
هي غلطة في فازة.. انها قاعدة تقابل فيه بالسرقة عليهم خاطر بوها مش متقبل لحكاية à 100% و زيد امها تقلها كان بش تقابلو انا تهزك و انا ونجيبك
و الله غالب خبات عليهم خاطر تتوحشو برشا و صارت ظروف خلاتها تتعلق بيه برشا و معتبرتوا دنيتها لكل
مشات زادا رأت امو على خاطرو و زيد تقابل مع بوها و الأمور مشات cv ماللول
تعدات الايام و هوما مع بعضهم بقات ما بين شهر و شهر تراه بالسرقة خاطر دارهم حاطين ما يراو بعضهم كان كي يتخطبوا و الا حاجة هكا..
المهم جات فترة الصيف هذا و صارت مشاكل هما يتنابزو برشا و زيد هو يحكي كل شيء لامو أقل حاجة يحكيها surtout الي هي مغيارة عليه برشا و ديما خايفة لا يمشي و يخليها.. و هي قليل وين تحكي لأمها اما كي عرفت الي هو كل شيء يصبو ولات تحكي لأمها خاطر كانت ما تحكي كان ليا انا برك بحكم قراب ياسر لبعضنا
لمهم بعد فترة لمشاكل صارت فازة عداو نهار مع بعضهم و رجعوا cv.. أما هو بعد خربها هي فهمت بالغلط اما كان جا بالرسمي يخليها بينو و بن روحو
هي خدات في خاطرها و قاتلو وقتاه جاي تخطب هو قالها نشوف روحي و نقلك
ستنات ستنات و بقاو نهارين ما حكاوش بحكم تنابزو .. أما هي قد ما تحبوا ما نجمتش و بعثتلوا مساج و حكاو مع بعضهم.. أما هو يتجبد منها.. صبرت جمعة كاملة بعد قاتلو هاني بش نخليك مدة و شوف روحك حاشتك بيا و الا لا اما انا معاش نتحمل برودة دمك معايا كل فترة.. بقات جمعة ثنين ما بعثلها شي و ما حاولش معاها.. هي حستها ياسر ياخي بعثتلوا و هو يتجبد جبدتلو عالخطبة قالها مش انتي بش تحكم فيا بالرغم الي قبل قالها بش نخطبك و أكثر من مرة..
هوما تو معاش يحكيو و تو عندهم أكثر من 3 جمعات ما حكاوش.. هي مسكينة بالعة السكينة بدمها و كي تحكي معاها في الموضوع تحسها بش تتطرشق اما تسكت خاطر تعبت برشا..
آخر مرة عمللها فازت استفزاز الايامات هذي ما تحملتش فسختو هو مشا بلوكاها اصل..
بالحق بالرغم الي حتى عايلتها ولات واقفة معاها اما مش لاقية حد تفرغلوا قلبها أكثر.. و حتى انا الي presque نعرف عليها كل شيء نحسها مخبية حا

Posté par Khaoula_15610 le 2021-09-12