Manel_17642 sur Sekritoo — Questions ❓

Questions ❓

انا عملت عملة و نادمة عليها و ان شاء الله ربي يسامحني عليها أما الله غالب إستحقيت . أنا طالبة نقرا في الجامعة و طروفي على قدها معناها كي نصرف ثلاثة ألاف في النهار امي تقولي نقص مالمصروف و دارنا ذاليني عل الزوز فرنك الي يعطولي فيهم و بابا ميعرفنيش بدورو . لكن عندي دار عمتي يدزو فيها بالركبة ناس يوصلو في النهار يصوروا مليون بالمرتاح . و يعرفون ظروفي التاعبة و عمرهم ما عاونوني حتى لله . كنت نمشي نشوفهم كيفاش مستوى عيشتهم و ما يرحمونيش بدورو حتى ماخذة بالخاطر تغيضني روحي . مرة إستحقيت علخر و هزيت فلوس من سطوش بنت عمتي الي متعرش طرف خلاها فين موش برشا مبلغ تافه متاع 20 دينار هو مبلغ متحسبوش و حتى كي تهزلها راهي مافقتش بيه . أنا ندمت الي هزيت متاع الناس وقلت كي يجي نهار نخدم و تتحسن ظروفي توا نرجعلها الفلوس الي هزيتهم . أنا هزيت لعبد غني برشا موش لفقير و ربي يعلم بظروفي علاش عملت هكاكة . أن شاء الله ربي يغفرلي و يسامحني

Posté par Manel_17642 le 2021-09-15