Wassim_64938 sur Sekritoo — Confessions 🤫

Confessions 🤫

ملاحظة بالبند العريض ( الي شنكتبو الكل تعبير عن مشاعري منيش نشجع في حد على حتى شي ونعبر على روحي فقط عن تجربة عشتها )
كل يوم ترجع بيا الذاكرة لنهار مزيان برشا نهار ما نجمتش ننساه ما كنتش نعرف نحب ولا حسيت قبل بحاجة اسمها حب الكل كانت علاقات صغر اما النهار لي في مخي ما حسيتوش علاقة صغر ما حسيتوش مراهقة ما حسيتوش طيش رغم الي تصرفت تصرفات متع ولد صغير ...
تقابلت انا وياها في نهار نقول بيني وبين روحي هو أحسن نهار في حياتي صعيب يجي نهار خير منو بلحق انسان كيفي حب بقلب صافي حب بلاش خمج بلاش تخديم مخ بلاش حتى مصلحة حب راقي مش حب مقيد بالمظاهر وانت شعندك وانا شعندي...
لتوا نتذكر كلامها وخزرتها كي قلتلها نحبك لتوا ريحتها في خشمي لتوا نتذكر تفاصيلها الكل بالصغيرة والكبيرة حتى مشيتها والاحساس الي عشتو معاها ما يتعاودش ...
اما ممكن انا خسرتها وممكن هي خسرتني وفى المكتوب كيما يقولوها من أول مرة كانت آخر مرة... أما مرة ونهار ما نسيتوش ما نسيتوش رغم الي عندها 4 سنين الحكاية وساعات نقول بيني وبين روحي مزلت نحبها ...
ان شاء الله ربي يعطيها ما تتمنى كنت ديما ندعيلها ...
وباعد طلعت ما تتمنانيش انا ههه
مكتوب والله مكتوب

Posté par Wassim_64938 le 2021-09-15