Emna_7216 sur Sekritoo — Questions ❓

Questions ❓

عسلامة ، بالله انا محتاجة جدا جدا لنصائحكم وخصوصا نصائح البنات المتزوجات او المقبلات على الزواج. انا متزوجة منذ شهرين ولكن نعرف زوجي منذ سنوات. الحقيقة بعد العرس وليت ديما على عصابي و تولد عندي احساس الغيرة من سلفتي. هي في فرنسا واحنا زادة خارج تونس ولكن مش في أوروبا. المهم انا بمركزي و زوجي زادة ولكن ديما نحس في حمويا و حماتي يعملوا في فرق بين زوجي وخوه ومحسسينا انه احنا وضعيتنا مختلفة و مش كيفهم وأقل منهم. انا وليت ديما على عصابي مع راجلي وقاعدة نسعي جاهدة باش نقدم في حياتنا الي ماهو أفضل. الإشكال انه الستراس والتخمام في الحياة ومشاغلها انعكس على تصرفاتي في داري ووليت ماعادش طايقة راجلي و حتى كي يجي يستلطفني نرد عليه بتشنج وبالرفض.
انا صحيح نحب الوضعية تتغير و نحب راجلي في نفس الكفة كيفو كيف خواتو في فرنسا ماعادش نتحمل الهمزات والكلامات متاع حمويا اللي في كل تلفون لازم باش يعمل مقارنة. علما وانه احنا لاباس الحمد لله مستورين ولكن هوما عملولي ستراس ياااسر وحتى سلفتي المرا مانعرفهاش وماجاتش الفرصة انو نحكيو ولكن نحس في روحي نغير منها و مانيش حاملتها لا لشي انه كثر عليا الستراس منهم. نعرف انه اني غالطة في احساسي تجاهها ولكن ماغير مانشعر.
نحب نرجع نتصرف عادي في داري وننسى شوية التمام في الدنيا وليت نرقد بالكوابيس نحلم كان في الخدمة والفلوس وكيفاش معاون راجلي باش نقدم ا. صدقا تعبت 😔

Posté par Emna_7216 le 2021-09-18