Mehdi_83801 sur Sekritoo — Questions ❓

Questions ❓

نحب نعرف est-ce que الي صاير معايا هوس ، مرض ولا بالعكس حاجة باهية ، مالصغرة عل قد ما نتفرهد و ديما عامل جو و نكره القراية plutôt ال sys éducatif و الكريقة الي اقرو بيها نكرها و زيد معدلاتي موش طيارة فليساي اما ديما ناجح في نفس الوقت عندي حاجات مالصغرة فيا و نجمش نسيطر عليها و ماشية و تزيد مثلا انا نجمش نعيش كي مانقراش كتاب كل جمعة و نكملو ، نحط نسمع موزيكا ، نولي نتفلسف و ندخل نقرا عل نوعية غناء اذكا و تريخو ، ناخو صبادري ندخل نقرا عل ماركة اذيكا ، فالباك متاعي نخلي les chapitres الي لازمني نريفزهم و نتعدا نقرا حاجات ماأعمق و فايتة الي نقرو فيه ، لازم كل نهار نقرا عل بلاد و حيوان و تاريخ حظارات و غيرو ... و
و نتفرج عل فيلم وثائقي و نفهم و نتعلم كلمة من لغات مختلفة (قريب نكمل 3 ديكسيونارات تع 3 لغات مختلفة ) نحل يوتيوب نسرح بالسوايع فالشانات تع العلوم و السياسة و التاريخ و الانفورماتيك الحاصل مانسيب شي fb كيفكيف ، ياسر نركز ف les détails و ديما عندي شك في كل شي و ديما ناقش بروفات و نحب نطلعلهم اغلاط ، نطرح اسئلة ساعات تع مهبول ، علاه فما دنيا ، علاه فما إلاه ، علاه فما طقس شتاء و صيف و خريف علاه فما احاسيس و مشاعر علاه تخلقنا من اصلو ، الفين سؤال تنجم تشوفو سطحي و ساهلة الإجابة mais انا لتو مانلقاش اجوبة تقنعني و عل فكرة انا مسلم و جو باهي mais نكره الي إحاججني بالدين
ديجا اكثر ماتيار كنت نكرها اسلامية خاتر احفض و صب كما جا مانجمش نريزوني و نفكر كما نحب فيها خاتر كل شي نحب نفسرو علميا .

Posté par Mehdi_83801 le 2021-10-19