Firas_44620 sur Sekritoo — Questions ❓

Questions ❓

نتمنى نلقا شكون فل application هذا بمخو و يخمم في حاجات غير الجنس و التصويب و الخرجة، نتمنا نلقا شكون مهتم بل أسرار الكونية كيفما أسرار الخلق و الكون شنوة وراه و شنوة بعدو ، نتمنا نلقا شكون يخمم كيفي انو التطور وصل بينا لمرحلة هاكم تشوفو فيها الي يصنع فل صوارخ و الي يطور فل فيروسات و العرب يكرمو فل البزازل المكبرة ، نخمم و نخاف عل أجيال الي بش تجي بعدنا و موش بش يكونو غير عبيد للتخلف التكنولوجي الي وصلنالو ليوم، تخلف ممنهج ليهم سنين ينسقولو يبدأ مع أول خطوة يعملها الصغير فل مدرسة هوما يحكمو عليك شنوة تقرأ و وقتاش تقرأ ، تنجح و الا ما نتجحش تعيش و الا تموت، نكتب و قلبي كلو اسف و حسرة كيف نشوف الشباب همو الوحيد يتفرج في live متع طفلة سكرانة ، و الا فيديو متع انسان بسيط و محدود التفكير يجعل في روحو أضحوكة في شارع محمد الخامس فماش ما قناة التونسية تجيبو يخدم مهرج تعبت و خممت مرة و ثنين و الف قبل ما نكتب الكلام هذا خاتر نحس في روحي infectè بل مرض هذا و نهار بعد نهار نكتشف اني بديت نولي كيفكم و نخمم كيفكم.. وصلت حبيت ننتحر بش نموت بقدري و بأفكاري خاتر نكفر بيكم و عيشتكم و بمستواكم منحبش نكون كيفكم مجرد مواطن حامل لبطاقة تعريف عدد ##### مجرد رقم علا ورقة تعيش تافه و بسيط و تموت مقهور، الكفر حاجتين، انك تكفر بالي خلقك و تنكر وجودو، و الحاجة الثانية انك تعدي حياتك خسارة تمشي على خط معين سطرهولك انسان حاقد يعمل المستحيل بش يخليك تعيش فل بؤس الي انتي فيه.. في أمان الله

Posté par Firas_44620 le 2021-11-04